8月4日至11日，係名古屋渡過左超快樂的八天！！
八天∼∼睇左7場＜TOM and JERRY＞音樂劇 唔止記得晒出場位置，就連D歌曲都識得哼！
本身只睇4場，但有場黃牛票位置好前價錢又平，所以忍唔住買左∼
9日完場後有after talk，冇理由唔買飛睇啫，所以忍唔住買左∼
11日最後一場千秋樂，可以睇完先出機場，所以又忍唔住買左∼
 感謝幸運之神眷顧，竟然抽中左第一行
雖然位置靠左邊，不過謝幕時稲葉光企正向我面前 完全係神席呀！！！！！！
睇得超清楚！！超級靚仔！！ 扮演小狗好可愛，角色超討好∼
第一次見松本幸大真人，笑容好親切！！不過Jerry呢個角色好百厭成日蝦隻貓。
另外Jr. o既渡辺大輝同岸本慎太郎都有份演出，仲有H!P o既中島早貴同須藤茉麻，好多熟悉o既面孔。
有兩場完場後有after talk，大概10分鐘左右。兩場稲葉都有講佢o既名言∼
「100人乗ゲサパ∼∼∼」（100人坐上來也∼∼∼） ＼＼＼大丈夫！！！／／／（無問題！！！）
名古屋演出期間佢地都上載左影片去ISLAND TV，仲要係以舞台劇造型，太好啦！
因為佢地實際演出造型同場刊入面o既唔一樣，我怕日子耐左我會忘記佢地個造型。
稲葉髮型超厲害！！差不多都係真髮！基本上每日第一個set頭o既都係佢
稲葉光髮型 名古屋四人組
仲有好多段片，直接去ISLAND TV睇∼∼ＭＡＤＥ頁面
今日＜ABC座2019＞出結果，因為冇咁多大假，所以只能快閃兩日一夜，最多睇三場！
分別用A.B.C-Z FC名義同Jr.情報局名義抽，結果只中一場，Jr.名義全軍覆沒......
起碼有一場飛在手先，希望之後會有復活當選啦∼如無意外應該係2019年最後一擊！
第一次睇A.B.C-Z，終於可以見五関大人，希望抽中好位置∼🌠🌠
|
