平時我7:15AM前就起身，今日竟然訓過龍訓到7:40AM先醒，不過我尋晚已決定唔落去食早餐

因為之前買o既麵包到期，所以諗住朝早食埋佢再落去飲野，而家只係唔夠時間去飲野啫，冇遲到！

仲以為今日唔凍tim，點知凍到死，好彩今朝出門前拎左條頸巾啫，而家o既溫度係......

  真係得9度? @@ 感覺日本YAHOO 天氣成日都唔準

今日lunch終於食得好平啦，250 YEN的牛肉飯，真係平過食麵包多多聲，大家黎日本唔好咁傻去食麵包呀！

放學去左事務所遞申請表報考試，七月份試下考N3級考能力試，要努力d溫書先得啦 >O<

Joan話唔見左張月票車飛，好彩最後都搵得返，原來係佢大頭蝦放左响第二到，嚇死人咩！

　唔只個名，仲有埋年齡，真係唔敢拎出黎俾人睇

我果張係三個月o既車飛，要19,570 YEN (以今日匯率8.3計，約HKD$1,625) 一定要好小心咁保管，唔見左要再買過。

而Joan果張，係半年o既車飛，我諗大約要HKD3,000，如果真係唔見左肯定喊餐死！三千蚊wor..........