５月２２日，星期六
星期六竟然9點幾起身落去食早餐，真係好少有 不過由於我地約左食午餐，所以都唔敢食咁多野∼
 左邊係腸仔芽菜炒菜，右邊果兜好似食緊草= ="""
 午餐食拉麵，佢話係担担拉麵，不過我覺得冇乜味
 拍照前啱啱講完"７７"事件，所以忍唔住要擺呢個pose影相！
如果唔係班入面o既中國人教我地，真係唔知中國人用手指表達數字７唔係舉手指公同食指，係縮埋晒d手指，哈哈，笑死我∼
由天王寺車站行過去動物園其實唔係好遠，不過今日天氣好焗，一d風都冇，我已經著背心，但都有d辛苦！
 一入到動物園就有個小熊貓MM教育基金，大家想捐錢的話可以聯絡我，嘻^^"
 紅鶴。有人問點解d紅鶴不停飲水？因為天氣熱要解渴ma！
 烏龜。嘩嘩嘩！！！日光日白咁多人望住，你地响到做乜野呀？？
 响到扮石頭o既烏龜，哈哈，又扮得幾似wor
 游水游得咁叻，呢隻應該係海龜啦掛！！
 小笨象。冇呃你，呢隻真係小笨象！因為另一隻大到影唔晒！！
 羊咩咩。唔該幫佢沖下涼，d毛超污糟＞＜
 都係羊。呢隻睇落乾淨好多，而且好活躍，想走出黎咁∼
 熊。睇見佢就熱，大熱天時仲"嬲"住咁多毛...
  鱷魚。初時仲以為係假o既@@"
 河馬。見唔見到响邊呢？睜大d對眼就見到嫁啦∼
 好想出去玩呀！ 好瘦o既獅子∼
 佢d同伴雖然响戶外，但熱到冇晒心機，全部訓晒覺！！
 企鵝  訓緊覺o既豹
 高傲o既羊  訓緊覺o既老虎
 猩猩  浸緊浴o既北極熊
 北極熊媽媽，你隻北極熊BB走左出黎呀！！！^Ｏ^
   有隻雀仔跌落水...
 小朋友玩得好開心  草莓味刨冰
 唔知邊個偷影o既，個BB好可愛呀，佢塊面超漲，好想"搣"下佢呀＞３＜
 記唔記得晒我地d名呢？？
  睇完動物响附近行左陣
會合埋文同學同文同學細佬就去打保齡球，文同學又話好近，終於由動物園行左一個多小時先到，攰到我地死死下....................
 猜包揼分組後，我同文氏兩兄弟一組，好明顯我地係實力組
 四個唔識打o既咁啱响一組，哈哈！！
 竟然俾我打到個全中，嘻嘻^^"
 第一回合分數
左邊上至下：文弟弟，文同學，我
右邊上至下：Susie，Joan，Celine，張旭同學
  第二回合文弟弟過一百分！我就退步左
Celine食完雪糕之後充滿能量，第二回合即過一百分！張旭同學都進步神速，有九十幾分！如果我有食野，我諗我都會有進步！！
 最後來張大合照。
 保齡球場位於東部市場站附近，我地足足行左一個ＪＲ站呀＞＜
個個都玩到好餓，返到宿舍放低晒d野後第一時間衝去食飯。
 
 
夜晚浸左個浴，浸浴應該係relax嫁ma，但我覺得浸浴有d悶，不過又諗唔到做乜好，最後竟然一邊浸一邊溫書 。＿＿＿＿＿＿。＂
|
