黎左咁耐都冇介紹過宿舍tim..我住o既宿舍叫 ドーミー王寺

每次返去時，都要行呢條幾斜o既樓梯。

第一日黎到和波先生幫我搬行李，尋日Kaku幫我搬箱書，都要行呢條樓梯，辛苦晒∼

宿舍o既外貌，左下角黑色門就係宿舍入口。

樓高９層，我住８樓紅圈o既住置！好滿意呀，因為我好怕住得低，而且住得高風景都靚d。

順帶一提，樓下o既舖頭係賣墓碑／骨灰龕果d，日日都放兩座墓碑响門口，細膽d都嚇親@@"

入到宿舍第一時間將房號碼旁邊的格仔轉顔色。

紅色＝外出，白色＝响宿舍，不過有陣時我都唔記得轉顔色　轉完顏色就要除鞋啦∼

宿舍入口附近設有鞋櫃，每間房一格，返到黎就要換拖鞋！

出街鞋要放响鞋櫃，絕對唔能夠著住佢地响宿舍範圍內走動

所以大家黎探我時記住唔好著穿"lone"襪呀，會俾人發現嫁，哈哈∼

好彩我個信箱唔係响最高果層，因為唔夠高睇有冇信，哈哈∼

６３６－０００２ 日本奈良県 北葛城郡王寺町 王寺２－８－２７ ドーミー王寺８１６室

我個地址呀，大家快d寄信俾我啦　(因為地址有日文字，如果睇唔到請同我講∼)

　尋晚o既晚餐

　今日o既午餐

經歷過上次咖喱烏冬事件後，而家d野食都要排得靚靚地先可以見人，哈哈∼

聽日係星期日，全日都冇野食，而家要去超市入定d貨啦，再見。