學校行山日 - 生駒山

不過而家上網好唔穩定，分分鐘打完全篇冇晒，所以聽朝先打，哈哈，早抖∼

=================================================================================================================

5月1日晚上10:30PM，終於得閒補打返尋日日記，而且而家上網幾快呢，可能因為好多人都返左鄉下，GOOD ^^

學校行山日，目的地係位於奈良縣o既生駒山，明明係住奈良縣，不過要先去大阪市(返學校點名)，再返奈良縣 = ="""

　學校派o既車飛，好麻煩呀，要坐JR再轉近鐵。點解唔book旅遊巴??

　第一次坐近鐵，要拍照留念∼

　沿途風景優美，天氣也很好！

　１Ｆ班集合啦∼　 　小朋友很可愛^^

    　出發∼

　其實可以坐纜車上去，不過學校話腳有事先可以坐><

　行到好攰呀><

　好靚!  　行到餓要食三文治

條山路真係超難行呀，行左個幾鐘，終於到左生駒山山頂！！山頂係一個小朋友先啱玩o既遊樂場。

  　影左陣相就食午餐，所謂o既午餐就係三文治，仲要未上到山頂就俾我食左半份！

 冇第一張相的話，都唔知我地係影個塔！哈∼

　其實我得13歲嫁咋∼

　一d都唔恐怖o既鬼屋！

　真係冇乜野好玩....

行得咁辛苦，逗留左個多小時就話走人lu，由於太攰，大家都放棄了，選擇搭車返落山，哈哈∼

　上山的話我地個位就係車頭，落山的話就係倒轉坐！

　纜車o既外形好可愛

落山後可以直接坐近鐵返到王寺站，超快！首次覺得住奈良縣咁方便，返到黎第一件事沖涼，仲黎左個浸浴tim，正！

太耐冇做運動，對腳有少少攰，我都未算最"渣"！Celine話對腳攰到就斷，Susie直頭腫左要用冰敷，哈哈∼