６月７日，星期一
經過一日USJ玩樂後，第二日當然攰到唔想起身返學啦！好彩朝早係蔭山老師堂，所以都冇瞌眼訓，只係攰到唔想答問題啫∼
 午餐  下午茶M記蘋果批
放學開班會時老師話下個學期開始有得揀選修科，揀一個已經煩嫁啦，仲要我地揀五個然後抽籤，簡直同揀學校一樣咁煩∼
又驚揀錯wor，一讀就要讀一個學期嫁啦。一向冇乜抽籤運o既我恐怕只能讀第五個志願o既選修科＞＜＂
 一打開郵箱就見到張卡，好開心呀^3^ 不過有人寫錯我個名，唔該罰抄100次∼
  晚餐好豐富∼
聽日又有測驗，夜晚要做功課同溫書，好忙呀！我一唔响屋企，Hilda Mama就即刻招呼客人過夜，我張床係咪好舒服呢？？
６月８日，星期二
 好耐冇食過麵包，正確黎講係好耐冇食過早餐先啱 = ="""
尋晚又溫溫下書訓著左，好彩有睇下課文同練習，今日份測驗卷有出到！不過都唔知答得啱唔啱，派卷果日咪知law∼
 咖喱意粉，好辣。。。而且呢個配搭怪怪地∼
終於拎到個打工簽證，有冇人介紹工俾我呀？不過我而家d時間已經唔夠用，如果返埋工我怕連訓覺o既時間都冇，都係遲d先做！
學校有個研修旅行，兩日一夜連食宿車費都只係 10,000 YEN，雖然唔知住同食掂唔掂，但一大班人去玩都應該會幾開心∼
俾左旅行費用後銀包得返幾千YEN，感覺好冇安全感呀！銀包起碼要有兩萬YEN先覺得安心。訓晏覺訓到幾乎唔知醒落去食晚餐= ="
 我進步左呀！（定係傻左？！）我竟然覺得d魚好好味@@"
|
