６月２９日，星期二

　火腿蛋三文治同蛋沙律三文治，我尋晚好俾心機煎蛋嫁！

日本d食物真係特別快過期，雪櫃盒雞蛋明明買左冇幾耐之ma(好似...我都唔記得！)，原來23號就過左期，仲要淨左5隻咁多，

所以我今日午餐食全蛋宴！同學仔見到話好高膽固醇，一日食一隻蛋就夠，不過我年青應該冇問題。慘啦，我係咪要食返d野降膽固醇？

下午開始上選修科，今日係上聽解，呢個學期逢星期二全日都要對住大西老師＞o＜　全班14人，得我，Susie，Ruby，班長黎自1F

同Susie爭吵，因為大家都覺得自己聽到o既答案先啱，結果.........我啱前半句，佢啱後半句，加埋一齊就全對啦，哈哈^^”

Papa..Mama..帥細佬今日去遊船河，真係好！！全家人就只得我一個要返學＞＜　諗起都覺得慘！！其實我都唔係第一次咁可憐嫁啦！

有次又係得我一個要返工，佢地三個就走去迪士尼玩，嗚嗚......　見佢地曬到紅晒，肯定冇好似我咁，勤力"查"防曬啦...

**大家有冇睇剛剛星期日果集獎門人? 睇左咁多集我覺得呢集最好笑！BIG 4做嘉賓，冇睇的話快d去MyTV睇返啦！！