今日係七夕，其實同我都冇乜關係，隨便講講啫！我同Celine都遲起身，趕唔切搭8:17AM班車，所以我地撐枱腳食早餐再搭23分班車。

　本來想將d醬＜吱＞個，不過失敗左，哈哈∼

真係要劏雞還神，第14課o既測驗竟然合格有63分，今次成績相差好大，最高88分最低46分，平均67分，總括黎講個個都考得麻麻地。

　午餐食照燒雞三文治，點知入面有芥末.................我唔會再中招！！

臨放學無端端落勁大雨，好多人都冇帶遮走唔到，我有帶遮都濕晒！點解我唔等細雨d先走？因為太眼訓趕住返去訓晏覺，哈哈∼

訓左3小時晏覺，如果唔係Kaku打黎嘈醒左我，我真係可以一直訓落去，晚飯都唔洗食！明明尋晚冇睇波，點解今日仲咁攰？

　食到一半先醒起未影相，所以d野食好似甩皮甩骨咁！！

粒炸燒賣仲要係人地借俾我影，我果兩粒一早食左，哈哈　Aki好好彩，佢拎果碟炸燒賣係熱嫁，我就好黑仔啦，係凍冰冰燒賣∼

後來Aki拎左粒燒賣同我交換，太好人啦 ^3^　聽日去旅行7:20AM就要出門口，好早呀∼∼睇完波都5:30AM，之後梳洗下食早餐，

咁就夠鐘出門口啦！！不過唔緊要，搭車大把時間訓，由天王寺搭去食lunch o既地方差唔多要搭４小時，我一定好好訓，呵呵∼