研修旅行好好玩呀！！　原來目的地玉造溫泉响島根縣，距離大阪好遠嫁！！搭旅遊巴差唔多要５小時車程。

　搭５小時車，係咪諗起都怕呢？！

研修旅行DAY１（７月８日，星期四）

出發前一晚睇德國對西班牙，不過場波太悶所以淨係睇左上半場。訓兩小時就要起身，8:10AM到達集合地點，大家都好興奮呢∼

好有小學去旅行o既感覺，大家一上到車就不停傳野食，我由上車食到落車，哈哈∼　搭左３個幾鐘，終於到食午餐o既地方！

　羊肉，好彩唔太SO都食到∼

　唔想件衫污糟就要用口水肩啦，哈哈，好似小朋友呀^^"

間餐廳抽風系統超差，大家好似响個密室到咁。我同Leslie好醒目地分工合作，佢負責燒野食，我負責撥扇，咁先冇食到成身汗= ="

　响餐廳樓下有賣手信o既地方，隻牛超得意呀，不過好貴所以冇買到。。。

　食完野搭個半鐘頭車去第一個景點　－　出雲大社（求姻緣記住黎呢到∼）

　其實唔止姻緣，仲有好多種o既∼

　先洗左手，再洗右手，攪掂！

　好似許願樹咁，拋銀仔上去攝住唔跌落黎的話就有好姻緣！不過通常拋一個上去跌三個落黎

 　Susie影的，哈哈，勁似KEY個人落去！

  　呢個＜管理人＞幫晒所有新潟o既單身人士求姻緣，好偉大呀∼

去完出雲大社又係坐車時候，坐個幾鐘頭車去玉造溫泉酒店！冇錯∼全日只係得一個行程，坐車佔左大部份時間！！

　我地五個人一間房∼

　拍左段房間o既短片俾大家睇∼∼

　飲茶食零食真係人生一大樂事^^

   　１６９人一齊食飯真係超壯觀∼

　１Ｆ班合照，大家都好靚呀

  　女子組合照

  　個人照，係咪超級可愛呢？

　多謝Judy幫我同靚仔影＜合照＞

　總括黎講，晚餐d野食係好靚，不過味道就。。。普普通通咁啦∼∼

  　夜晚全班人去左男仔房玩，哈哈，睇下d鞋就知房入面有幾多人！！

　變身做＜小骰魔＞玩大話骰，之後又做＜賭后＞玩鋤大DEE

　文同學變身做MA MA SAN，好可愛呀！MA MA SAN負責响門口招待入黎o既客人

　點知轉個頭，MA MA SAN已經醉左@@"　酒量真係淺呀！！

同學飲醉酒好好笑！天馳同學脫左上衣，對住塊鏡不停扮pose，完全係model上身∼∼Yumi直頭不醒人事，要男生幫手抱佢上房！！

雖然Yumi好細粒，但佢醉左身體响放鬆狀態所以特別重，要兩個男仔先夠力抱佢上返房。隔離班o既台灣男生同文同學抱左佢返房，

Susie仲鎖埋房門，點知轉個頭Yumi訓醒唔見我地又自己走返落男仔房　之後又要阿水同Leslie抱佢返上黎，哈哈，笑死我∼

Thomas仲變態，佢丟野時丟到我大髀，佢話錫返我，我話＜錫返？你丟到我大髀wor！！＞　點知佢真係衝過黎捉住我大髀黎錫呀

嚇到我嗌晒救命，佢錫左我三啖，d boby lotion俾佢錫走晒啦 T_T　第二日問返佢，佢完全唔記得自己錫左我大髀三啖咁多= ="""

　瘋狂一晚後大家o既戰績，明明我地班係買威士忌o既，都唔知d啤酒响邊到變出黎∼

研修旅行DAY２（７月９日，星期五）

　我同Ruby兩點幾就返左房訓，其他人玩到５點幾先訓，朝早未夠７點就要起身啦∼

　早餐比晚餐好味！！

　發現我地班無論男定女都好緊張個頭，文同學...Ruby...就黎照爆鏡啦∼∼

平時旅遊巴上大家好嘈嫁ma，今日出奇地靜！因為大家尋晚都玩到好夜，一上到車就訓訓訓！成車都係  出發去最後一個景點！

   　去睇花，不過我覺得呢到d花唔算好靚！！有d俾人呃錢o既感覺∼

　呢張係為左所長影嫁！一見到呢朵好似風鈴o既花，就諗起你屋企d花膠風鈴，嘻嘻^^"

　睇完花又去食飯啦，呢個根本係飲食團，有乜理由兩日一夜得兩個行程？！

食完飯就回程返大阪！旭同學欺負我呀！响到整我d頭髮同塊面，不過我知佢弱點，就係扮佢飲醉酒時講野，一扮佢就唔敢再蝦我∼

　Thomas訓到露褲褲！！文同學為左唔整扁個頭，全程車吊住個頭黎訓，厲害@@"