勁深色果兜係咖喱黎嫁，顏色同味道都好奇怪！！

之前久保老師有份作文功課，題目係＜旅行的回憶＞。唔係作完就算嫁，仲要讀出黎俾大家聽！初時老師唔俾我地睇貓紙要背左佢

不過我地冇人背到，最後大家可以照住黎讀 ^^　好多人都寫研修旅行，大家都寫研修旅行玩得好開心，好鍾意1F班之類o既說話！！

旅行開心完全唔關學校安排o既行程或食宿，個個都係寫夜晚响房飲酒同玩，Yumi今日好慘呀，大家不停提返佢飲醉酒o既事

　午餐又食杯麵！係杯烏冬先啱，哈哈∼

本來今日帶飯嫁，不過尋晚肚餓得滯清晒，又懶得再煮過= ="　為左煮聽日o既午餐所以冇訓晏覺，又覺得自己好偉大！！

一邊打日記一邊睇（其實係聽） TWINS＜人人彈起演唱會＞，唔講仲以為佢地只係唱緊K@@"　我同小K仲唱得好過佢地，哈哈哈

早兩日聽到林峯首＜愛不疚＞，即時諗起銘銘同Edward仔！同佢地唱K同一首歌會聽三次以上，合唱一次加每人SOLO一次，

萬一唱得唔好再由頭唱多次，明明唔識果首歌都聽到識唱，哈哈∼好掛住你地呀！！等我返到香港一定要去唱K，打邊爐，打麻雀！