7月28日，星期三

今日好多人生日！有四姨媽，Kelly，仲有Joey姐姐個BB今日出左世啦話咁快伊靖就做家姐，你地幾時先識叫我做細細個表姑姐呀？

小KK，大隻Mike∼我開左樽榛子醬食啦！！真係好好味　仲拎左返學校請同學食，大家都激讚呢，相信樽醬會好快食晒，哈∼

　要塗厚厚o既醬先夠好味！响影相前一刻，個角俾人＜分享＞左。。。

放學12人去唱K幫Kelly慶祝生日。我就當慶祝埋今日測完驗／黎左日本四個月／四姨媽生日／Joey姐姐個BB平安出世／就快放暑假....

　朱古力及草莓蛋糕，超好味

由4:00PM唱到8:00PM都只係 500 YEN！佢地又瘋狂飲酒，個個都好似醉醉地，Yumi再次醉到不醒人事，要幾個人送佢返屋企。

壽星女Kelly周圍索吻事件...........

　哈哈哈，其實借位嫁咋，邊個會俾佢錫丫∼

　連醉酒o既Yumi都唔放過！！

　嘩嘩＠＠"　Kelly好＜猴擒＞呀

　張張大合照都唔齊人，事但揀一張

Thomas都有少少醉，好彩有我同Susie送佢返宿舍！佢搭車時強搶我地個袋，用黎攬住訓覺，我地都怕左佢，佢想點就點啦！

我地送完Thomas返房後就去食堂食飯，食食下見到Thomas走落黎食飯，呆左　原來佢沖左個涼後就醉醒啦，哈哈∼∼

唱K唱到超肚餓，好彩有麵包加榛子醬頂肚，一日清晒袋麵包，勁！！今日食得太多麵包，攪到晚餐都食唔落飯∼

７月２９日，星期四

　終於有時間落去食早餐，尋日食左咁多麵包，今日冇麵包都冇怨言！

瘋狂過後今日大家都好攰，醉酒Yumi仲要第二節課先返黎上堂，佢話唔會有下次，唔想麻煩大家，要戒酒wor，聽住先啦，嘻嘻∼

蔭山老師同我講，尋日個讀解測驗我拎滿分呀！！　篇閱讀理解係講蛀牙，蛀牙同食甜野o既份量係冇關係嫁，只係同次數有關。

所以牙醫話一次過食１０粒糖，好過１０粒糖分開１０次食！！以後鬧小朋友時唔應該講..＜食咁多糖會蛀牙！！＞

應該講＜食咁多"次"糖會蛀牙！！＞　一於揀個好日子，一次過食勁多甜野，哈哈，唔蛀牙都肥死啦∼∼

　冇晒麵包，尋晚又懶得煮，唯有食杯麵∼　要食大杯先夠飽！

去超市買野撞到Kaku，最衰俾錢果刻先見到佢，如果唔係實買多d野叫佢幫手拎返黎。暑假日日都要煮午餐，好煩呀∼∼

　高同學星期六就返台灣過暑假，佢話怕果醬放太耐會變，叫我幫佢食左佢！

哈哈，冇問題，我好樂意幫人嫁∼　我叫佢搵清楚間房仲有冇其他食物要我幫手食，結果唔止果醬，仲有朱古力，YEAH ^^

　响高同學間房發現一堆銀仔，儲埋咁多銀仔，用黎許願嗎？？

　晚餐食中華冷麵，今次進步左，終於有味道啦∼