YEAH∼∼暑假前o既最後一個上課日！！聽日開始可以日日訓到日落先起身，諗起都開心，哈哈∼ 好耐冇放過暑假啦！！

 　除左左手邊碟蛋加菜好味之外，其他全部都....

好恐怖呀！！响月台見到有變態佬做＜手部運動＞，其他人唔知係咪見慣左，竟然冇人理佢　如果佢响香港，一早上左youtube！

下次佢伸手入裡面或者除褲的話，我實拍片放上youtube！！好彩個變態佬唔係搭同一班車啫，如果唔係實嚇死我同Celine＞＜

　落得太多醬，其實下面係意粉，菜，雞，炸魷魚，炸薯條

大西老師堂要作文，中間同結尾都諗好點寫，偏偏開頭諗唔到點寫！到放學都仲未諗到，暑假又多樣功課要做，好彩只需寫300字。

响超市見到＜哈根達斯＞雪糕特價 625 YEN，超想買^O^ 原價要八百幾YEN嫁，買一盒好似太多，最後同阿水share一人一半

　草莓，雲呢拿，曲奇　三款味道

唔洗HKD$10就有一杯＜哈根達斯＞雪糕，係咪勁抵呢？下次再有特價就試埋其他味，好想試藍莓味！哈密瓜味都好似唔錯

　晚餐又炸雞又漢堡扒，咁多肉好唔健康呀！！白色果碗，係稀到似水o既忌廉湯。

今日Susie唔舒服冇返學，我見Yumi太掛住Susie，所以夜晚Susie黎我房拎功課時，我就開眼仔俾佢地傾下計，Yumi返台灣過暑假

哈哈，所以暑假我地冇機會睇Yumi飲醉酒個樣啦！日本暑假得三個星期，我放完暑假帥細佬都仲未開學，香港暑假真係好！！