三個星期o既暑假終於放完，又要開始返學啦！今日上堂冇教新野，淨係複習返之前教過o既野。今次死啦，好似失左憶！！！！

要睇書先識做工作紙，哈哈，我諗要幾日時間先可以適應返上堂o既生活。為左慶祝放完暑假，lunch食Mos Burger

放學返到黎見到YAHOO!新聞好震驚，冇諗過香港旅行團會响菲律賓俾人脅持做人質，但見佢寫到情況好樂觀，不停釋放人質，

槍手淨係要求談判，唔會傷害人質咁。但食完飯返到上黎再睇，情況急轉直下，話槍手開槍殺人，又話全部人質死晒，超驚。

我冇得睇電視直播，但响FACEBOOK大把人响到旁述，終於槍手開始殺人質，果d所謂特種部隊先做野殺左個槍手。

如果特種部隊有少少用o既，d港人就唔洗無辜咁死。明明係最後一日行程，夜晚就離開菲律賓，咁都返唔到香港，客死異鄉。

個槍手就咁就死左，真係益左佢，仲要咁多無辜o既人陪佢死，究竟佢係咪癲嫁？佢都係想警察徹查佢單野啫，洗唔洗殺人呀！

相信個個香港人都好嬲，好震驚，好唔開心。。。