今日朝早上左一節課，其實都唔算上課，只係教下d有關防災o既生字，之後就出發去參觀啦∼

　目的地係大阪市立阿倍野防災中心

 　好得意呀！

入面有一間房係俾我地體驗火災發生，走廊充滿煙時點樣逃生，佢整得好真，d煙有臭味嫁！大家都＜烏＞低身逃生。

　教你點用滅火筒救火。如果救得唔好，個螢光幕會顯示個燒燶左o既廚房∼

　試打１１９扮救求，不過電腦聽唔明我地d日文，哈哈∼

　放消防泵o既地方

　班長扮救火

　要扮跌斷手俾Susie幫我包紮，都算包得唔錯啦∼

　大家企响上面感受唔同震度o既地震，我覺得搖o既時候好似搭緊火車咁。。。

　張旭最近成日蝦我！！伸手遮住唔俾我影相！！睇黎要當眾扮佢飲醉酒講野先得

　參觀到12點幾就放lunch，同Susie，Joy，Iku去食牛肉飯。

下晝兩堂都係寫今日參觀o既報告，好難寫呀！！好彩大家响防災中心拎左d小册子，抄得o既都抄晒落去！！

放學同Joan去旅行社問機票幾錢，去台灣機票平過去韓國好多呀∼就係因為陪Joan去旅行社所以趕唔切响落大雨之前返到宿舍。

好彩我d衫＜long＞晒响房入面啫！訓左三小時晏覺，9點幾先起身落去食晚飯，其實我想繼續訓覺唔食晚飯嫁啦，哈哈∼

  　食落晒肚到先記得影相= ="　見到嗎？响我個肚入面呀！

　拎野俾高同學，順便睇佢地打麻雀。

大家留意到嗎？佢地係打台灣牌唔係廣東牌！睇16隻牌唔算好難，最麻煩係台灣牌太多規矩！下次教你地打廣東牌 ^O^

完場後去左便利店買宵夜－雪糕，其實都唔算係宵夜，飯後甜品黎啫！　尋日同今日都有人讚我＜煲冬瓜＞講得唔錯，HAPPY