今日奧村老師堂要做 interview，一大班人走入教員室訪問其他老師，目的係想我地練習用尊敬語問老師問題。

我同Apple，Ruby訪問千葉老師，由於千葉老師冇教過我地，所以我地都係第一次正式同千葉老師講野。

一開始我地問老師貴姓，老師回答我地問題時用普通禮貌形就OK，即係平時大家聽到結尾加＜DE SU／MA SU＞

但老師答我地問題超簡短，就咁答＜千葉＞，後面完全冇＜DE SU／MA SU＞。訪問完要將D問題同答案寫响紙到。

　右邊第三張係我地o既∼

奧村老師睇見千葉老師d答案都忍唔住問我地，千葉老師真係答得咁簡短？！冇呃你，真係答得超簡短！！

奧村老師教生字＜SA WA YA KA＞除左形容天氣乾爽之外，仲可以形容人o既性格爽朗，之後老師講左幾個後生o既男明星名，

佢話覺得呢幾個男明星外表俾佢感覺好乾爽，不過我果班大部份人都唔識d後生明星，我諗大家都識o既就只有木村拓哉＝O＝

老師：＜我覺得Johnnys組合<嵐>入面o既<相葉>感覺好乾爽，大家知道<相葉>嗎？＞　一講靚仔明星我成個人醒晒！！

我即時搶答：＜相葉雅紀＞　連奧村老師都嚇一跳，我竟然答問題呀！！我都話响所有老師眼中，我係上堂發呆唔答問題嫁啦∼

後來老師問我係咪鍾意靚仔男明星，哈哈，奧村老師你而家先知實在太遲啦，基本上全班都知我鍾意靚仔明星，嘻嘻

　午餐食雞扒意粉，一般一般∼

下午大西老師堂讀自己篇作文俾全班聽，我篇作文係寫暑假去韓國旅行，不過覺得韓國一般好玩，即時俾文同學怒啤，哈哈

　天氣炎熱，放學同高同學去食雪糕∼

士多啤梨真係有果肉嫁！！另外一隻係石板街，兩隻味都好食　就當預祝中秋節所以食雪糕啦，哈哈哈 ^O^

之後返左學校搵Leslie，今日係最後一日報考12月o既能力試，Leslie決定報考N2，不過佢對漢字果part冇乜信心，

我同Ryan驚佢臨時縮沙，所以一齊＜目及＞住佢去事務所交錢同FORM，有三個月時間讀書，報考左o既同學加油呀！！

我決定出年先考，等我學多d日文先啦，廢事唔合格嘥錢！搭車返奈良時撞到Celine佢地班o既韓國同學，

佢話12月報考N1，好厲害呀＠＠　不過同樣都係覺得漢字最難！有咩野辦法可以幫佢地記多d漢字呢？？

　晚餐唔好食唔緊要，有電視撈飯就OK