最近有個台灣女仔成左名，人氣大增無人不曉！！無論响宿舍定係學校，都好多人討論佢。大家唔好誤會，並唔係因為佢生得靚，

而係佢返學時o既衣著太突出，唔止著和服，入面仲要著件長袖衫或牛仔褲。今日仲勁∼∼竟然玩cosplay，一定要俾大家睇下！！

　尋日　 　今日

聽講佢唔止返學咁著，連落去飯堂食晚飯都係咁，所以响我地宿舍都好出名！！連cosplay都出埋，唔知聽日攪邊科呢？！？！

朝早永井老師堂又唱生日歌，今次係Apple生日，lunch時我同Susie去買曲奇餅請Apple食，買餅時我地不停試食，嘻嘻

壞消息∼∼∼老師突然話後日測第一課，升班後第一次測驗，呢兩日要溫下書，第一課都幾多野嫁，我唔想第一次就唔合格！！

今日o既午餐同尋日一樣，不過我好白痴呀，唔記得帶餐具，最後我先食麵包，等個女仔用完隻匙羹再借俾我用，哈哈∼

放學返黎煮聽日o既午餐，之後打掃房間，咁就用左幾個鐘！！而家10點幾啦，係咪應該開始溫下書呢？？＞＜

　我諗＜人家＞整o既會比較好味∼∼