朝早正當我發緊個好夢之際，突然有人＜禁＞門鐘，Ponchi Papa又唔响屋企wor，我諗應該都係d無謂人啫，所以唔理繼續訓！

點知果個人拍門，嚇到我即刻彈起身去開門。原來係郵差叔叔派掛號信，乜唔係冇人應門就放低張紙走人嫁咩？！

　嘻嘻，入面係張超可愛o既聖誕卡，隻狗仔同我張生日卡係一樣嫁∼

我地講好左互寄聖誕卡，冇諗過入面竟然有聖誕禮物，好驚喜，多謝　不過我寄俾佢張卡仲未到，唔會過左聖誕先寄到掛

本來同Ponchi Papa去大家樂食中午飯，臨行到去大家樂門口收到帥軒電話，話坐左响彩虹邨，頭暈胃痛唔舒服行唔到，

我同Ponchi Papa即刻去搵佢，同帥軒睇完醫生送埋佢返屋企，我地再去過大家樂食野，不過已經由食中午飯改食下午茶啦！！

夜晚黎氏家族做冬食飯，呢個家族好新潮，放棄傳統菜色，做冬竟然打邊爐，仲要係响我屋企打∼

　接近２０人响我屋企，唔講真係以為我屋企有過千呎！！

　洗野食都有排洗∼

　嘩∼∼呢班食肉獸！！又肥牛，又羊肉，又雞肉，又豬肉，又鯪魚肉

　開餐啦！手快有手慢冇！　 　澄澄食得好開心

　眨下眼，個戰場就變成咁！！呢班人真係好恐怖！！

　其他人都已經放棄，只有Hilda Mama同晉晉表弟堅持到底！！勁呀∼

　又話好飽好飽，一話食生果啫，又一窩蜂擁晒埋黎，哈哈。

　Ponchi Papa有Hilda Mama餵，我都有澄澄餵，嘻嘻

　大表哥同Joey姐姐o既BB兆靖，雖然得4個月，但已經１９磅，係一個可愛肥B∼

　兆靖對鞋仔超迷你，好攪笑！！唔知幾時先識得叫我做＜細細個表姑姐＞呢

　傻瓜澄澄坐响個背心膠袋入面，哈哈∼

　嗯∼∼澄澄都幾叻，識寫英文字同數字！

　右下角果舊，其實係星星黎嫁＝＝＂

澄澄話自己個名淨係識寫＜黃＞同＜澄＞，結果兩個字都寫錯！哈哈∼我細個果時都寫錯自己個名，鬼叫中文字咁多筆劃咩！！