１２月２８日，星期二

上星期做冬果日落足牙力都氹唔掂三姨媽出黎食飯，佢唔出黎九龍，唯有我地入屯門搵佢地食飯啦！！！

　好味！

　好好味！

　仲有鮑魚仔tim呀！！係咪好豐富呢？！

啊∼∼∼今日响屯門買左份生日禮物俾帥軒，係ｄ咩？！等佢自己開估啦∼∼（帥軒，你唔鍾意份禮物可以送返俾我嫁！！）

１２月２９日，星期三

嘻嘻嘻，今日又食好野！約左Koeman，Javy，家華哥哥去食自助餐。第一次去８度海逸酒店，都唔錯bor，推介推介 ^^

　有生蠔，長腳蟹，蝦，仲有青口tim∼　 　魚生一般∼

　我冇幫襯熟食同沙律，呢張相係Hilda Mama o既∼　d熟食真係一d都唔吸引！！

　第一次食自助餐係覺得d蛋糕好味！！特別推介：芒果拿破倫

　梳乎里同豆腐花都唔錯！！

　哈根達斯雪糕，有士多啤梨，朱古力，曲奇味道。我食左三杯，哈哈∼

　小強同羚羊，哈∼　

１２月３０日，星期四

南澳飯局日！！全日都係約大學朋友食飯∼　先先約K哥响葵芳食lunch。

　佢而家响九巴做，套制服好＜型＞！

食完lunch同Hilda Mama去旺角行街，新世紀有好大隻公仔呀！！

　夜晚同同學去灣仔食上海野

　雖然人少少，但食勁多野！

　蟹粉小籠包　 　窩貼煎得好脆

　雲吞雞窩　 　什菜煲

　賽螃蟹　 　羊肉

　紅燒獅子頭　 　上海炒年糕

　食飽行左陣，去＜肥媽甜品＞食左個唔好味o既芋頭西米露

１２月３１日，星期五

數下手指，都唔知幾耐冇食過M記早餐，講左好多日早d起身去食，但冇一日起到身！今日終於起到身去食早餐啦∼∼

　嘩∼∼超豐富！！！

　M記薯餅真係好好味呀！！又熱又脆！！自己真係整唔到。

食完早餐去百佳買餸，午餐＋下午茶响屋企煮咖喱食，YEAH∼

２０１０年最後一日竟然病＞＜　有少少流鼻水，眼又發炎，又紅又腫，而家變左大細眼

至於＜聖誕純食純訓三天旅行團＞o既日記，要等到２０１１年先補打返！！出街去玩啦，ＢＹＥ