１月４日，星期二

唔知點解時間過得咁快，原來得返一日時間响香港飲飲食食，好多野Hilda Mama都未煮俾我食！！要等一年先有得食＞O＜

　Hilda Mama靚湯，年藕綠豆章魚湯，好甜好好味（一邊打日記一邊流緊口水）

我地仲响鴻福堂買左響螺花膠竹絲雞湯同西洋菜湯，西洋菜湯仲有湯渣tim嫁，推介　一日飲三款湯，好滿足呀！！

　全部我都鍾意食

　唔好以為我地响到煎蛋∼　其實我地係整緊..........

　超大個，而且唔圓o既大阪燒！！

　呢三位為食貓，請對自製大阪燒發表一下意見∼

　戰場？！想問下各位，你地煮完飯之後廚房係咪都會變成咁？？

１月５日，星期三

終於要返日本啦，好唔捨得　我好可憐呀！！Hilda Mama同帥軒好懶訓，唔送我出門口，淨係訓响床同我講BYE BYE＝＝＂

　好彩有Ponchi Papa送我去機場，哈哈∼

　食左個好豐富o既早餐！！

原來而家行李得20KG，我地以為有25KG所以塞晒所有野入喼，終於超重左5KG　不過個職員好好人，冇罰到我錢，嘻嘻∼

　飛機餐有我鍾意食o既雞肉同翠肉瓜 ^^

返到宿舍樓下即刻急call Kaku，因為樓下有條奪命長樓梯，緊係搵壯男幫手啦！！等緊Kaku落黎之際撞到寮母返黎，

佢問我用唔用電梯（平時寮長鎖左部電梯落唔到樓下）有電梯用實在太好啦，唔洗行樓梯！！（我估Kaku心咁樣諗，哈哈∼）

　KK同大隻Mike响澳洲寄黎o既聖誕卡，THX

　銘銘寄黎o既聖誕卡同聖誕禮物，係鴨仔同LITTLE TWIN STARS o既月曆

LITTLE TWIN STARS月曆係顯示日本假期，GOOD！鴨鴨月曆係坐枱o既，同之前收o既唔同嫁，好開心，THX

１月６日，星期四

朝早約左Susie同Joan一齊返學，點知我又遲左起身，得５分鐘梳洗，頭都冇梳就出門口。可能係睡姿問題，明明訓之前吹直左d頭髮

但一訓醒就勁亂同曲晒。今日冇時間吹直d頭髮，Susie同Joan一見到我就讚我個髮型可愛，佢地都以為我電曲左d頭髮law

哈哈，睇黎我以後唔梳頭出街都OK wor！！YEAH∼∼我地搬左去新館上堂，終於可以告別d勁殘o既課室同勁污糟o既廁所！

放假前o既考試有成績啦！！！睇到個成績嚇左一跳

筆記總分進步左三分！進步好少呀＞＜　我地而家教緊中級前半，希望下次呢一部份可以拎到廿幾分！！

上次失手o既口試，今次成績大躍進！！口試總分１５０分，我拎７８分，即係過左一半，口試合格好神奇呀！！！！！

大家快d去睇返我１０月７日o既日記，當時我定左個目標，而家成功左啦！！　嘻嘻∼∼好開心∼∼

又係時間定目標！！！要KEEP住口試成績，唔好跌返落去！！同埋總分要過一半！！　努力加油！！！