２０１０聖誕廣州三天團日記黎啦！！！由於本人近日病左，返學以外大部份時間都用黎訓覺，要大家等咁耐真係唔好意思
１２月２５日，星期六
 未夠6:00AM就要起身，一睇我地個樣就知大家都未訓醒
去埋天水圍接其他團友就出發去深圳灣口岸過關。嘩∼∼真係超多人，我地蠢左啦，應該痴住董事長，咁就可以行老人通道啦！！
去到廣州並唔係去d乜野景點，而係去醫肚。第一餐＜極品鴨咀魚為食宴＞，大家一齊回味下！！
 Hilda Mama一坐落就＜喉＞住油炸鬼，不過油炸鬼係等到最後先食嫁！
 畯畯，你唔食蘿白就唔好學人食蘿白糕啦！！揀晒d蘿白出黎，睇見就想發火∼
  乜呢舊咁似小雲最鍾意o既............
  有蝦，魚，蜆
  雞，牛，丸，菜
我地個爐滾得太慢，最後冇得加粥，每人只得半碗仔，所以覺得唔夠飽！！之後就去＜人民公園＞睇＜廣州原點＞
 睇返姑姐寫先知，原來呢舊野投資左３５０萬人民幣？！
 希望過多幾年我個樣仲係咁後生！！
公園唔多介紹，大家去姑姐日記都有得睇！！對行程有少少失望，原來＜小蠻腰＞只係遠眺，冇得上去參觀，等我仲鬼咁期待tim＞＜
去完呢個景點就返酒店，第一晚我地住＜廣州鳳凰城碧桂園酒店＞，房間幾大幾靚，而最特別o既係......
  打開衣櫃，推開衣架，行入衣櫃......
 穿過衣櫃，竟然可以行到入廁所，好好玩呀！！哈哈∼
放低行李就落去食自助晚餐，食物質素一般啦！！唔止食，抽獎活動（可惜我地冇人抽中），歌舞表演。
 呢個蛋糕，轉個頭就唔見左個聖誕老人，但個蛋糕冇人食過嫁wor！！
 嘩！！！董事長∼∼係咪真係咁好味呀？！？！
  一睇就知佢地係兩兄弟，大家都食火雞脾！！
 放心放心，兩個都攞正牌同靚女影相。
  聖誕老人派禮物呀！！連姑姐呢個大朋友都去拎埋一份∼
 
 打！打！打！ 邊個唔乖就俾Hilda Mama打！！
 哈哈，笑死我∼
 Ponchi Papa俾Hilda Mama打到口腫鼻腫？！
食飽飯，沖埋涼，大家又聚集一齊開賭檔！！！！ 鍾氏家族去旅行wor，麻雀啤牌當然唔少得∼
 細到好似手指甲咁細都可以打，佩服∼
  睇下大家幾認真！！
 冇得打真麻雀，唯有玩麻雀啤牌！！邊個發明呢樣野嫁＝＝＂
 姑姐，唔好以為背住鏡頭就冇人認得你wor！！
|
