２月１日，星期二

之前睇＜開心大發現＞有教用蘋果皮清潔燶左o既煲底，難得買左蘋果，緊係要試下啦！！！

點知掛住煲劇，聞到有燶味先發現煲乾晒水，d蘋果皮燶晒痴住個煲底，哈哈，個煲底真係越攪越燶∼

試左用醋洗但好似冇乜起色，而家見到個煲都唔開胃，我諗要買過個新嫁啦＞＜

２月２日，星期三

第二次去常盤小學同小五生交流，今次個主題係自己國家o既小學同小學生生活，香港o既小學生同其他國家o既小學生有咩唔同？！

咪就係勁多功課，做極都做唔完law，哈哈∼　今次我印左d相片同資料出黎，分散d小學生o既注意力，唔望住我個人都冇咁緊張！！

我地發現韓國男仔特別受小學女生歡迎！d女生一見到佢地就尖叫，真係嚇親！放學時竟然有小學生企响我地學校門口等人，

韓國男仔同佢地揮手講bye bye後，佢地先依依不捨咁走，嘩！！去左小學兩次咋bor，咁快就有粉絲？！

今次我地每人介紹一個自己國家o既遊戲，由小學生決定玩邊樣∼　泰國男生介紹＜爭櫈仔＞，韓國女生介紹＜１２３紅綠燈＞，

我就介紹＜收買佬＞（其實三樣遊戲每個國家o既人都識玩＝＝＂）　最後小學生決定玩我介紹o既＜收買佬＞，YEAH！！