２月３日，星期四

嗚嗚我係一個可憐o既小朋友，大年初一都要返學！新年緊係要精神奕奕咁返學啦，所以俾自己訓多一小時，走左第一堂，哈哈∼

今日超多人逃學，唔知係咪去晒玩呢？！我果班１９人，第一堂得９個人返學＠O＠　後來第二堂有１３人，好彩有一半人！！

　午餐食左飯團同＜提拉米蘇＞味雪糕蛋糕

下午係日本料理堂，今日整壽司卷，清湯，砂糖豆。

　將砂糖煮熔再加入豆，不停攪攪攪，砂糖豆完成！

１）將d豆由屋入面撒出外面，意思係將鬼消滅，黎緊呢年冇病冇痛冇災難！

２）食豆的話要食自己而家o既年齡加２咁多粒！！

　好想用黎煮茄汁蝦！！哈哈∼　當然唔得啦，整壽司卷o既材料黎嫁！！

　材料有：蝦，蟹柳，青瓜，煎蛋，冬菇　 　準備卷啦∼∼

　卷得好醜怪　 　豆腐清湯

其實呢個壽司卷正確名稱叫＜惠方卷＞，係响２月３日＜節分＞呢一日食。食o既時候仲要面對住吉位（今年吉位係東南偏南）

之後要一口氣成條食晒佢，中間唔可以停，一邊食心入面一邊許願！！超多學問，我當普通壽司請人食咋，哈哈∼

夜晚同鍾氏家族開眼仔，嘩！！睇到我流晒口水，鮑魚雞湯，茄汁蝦，仲話隻鮑魚好似手掌咁大＠＠

　我得天婦羅同蓮藕片咋！！＞＜

２月４日，星期五

　Yuly由台灣寄俾我o既賀年卡

佢入面話提早同我拜個早年，但係我尋日先收到，仲要係咁啱年初一收到，天意天意，哈哈∼

天才表演小紅帽故事又有變，因為小紅帽太多對白，所以我地分開前半同後半，我同Mai一人做一半，咁就唔洗背咁多對白，

至於小藍帽由文同學黎演，佢日文同急才咁勁，演全場應該冇問題啦！！２月２５日就要表演啦，好緊張＞＜

２月５日，星期六

　瘋狂購物？！？！　唔洗咁緊張！！d食物係今晚同朋友仔打邊爐食嫁！！

　買齊晒就返歸！！大家拎晒d碗碟，菜刀去高同學房切野洗野∼

　有枱都冇用，始終都係唔夠位放野，要放响地下∼

　開餐啦∼∼

　咪睇小胖咁o既身型，超快就話頂唔順好飽！哈哈∼

　呢頭話好飽，轉個頭就返房拎d士多啤梨黎食，攪笑！！

　食完飯我同Heran學打台灣牌，Heran第一次玩，睇下佢d牌分得幾開

　打完牌仲有糖水－花生湯圓！好好味呀！

仲影左即影即有相留念 ^3^

２月６日，星期日

之前高同學同佢果班o既人食飯，其中一個同學感冒，結果傳染左俾８個人，高同學都係其中一個中左招！！

我地個個都唔想病，所以尋日打邊爐時，我地禁止佢用自己o既筷子夾食物，一定要用公筷∼∼好彩今日大家都冇病到 ^^"

至於我o既咳，已經好得七七八八，早幾日試左燉橙啦！好難食　我唔會再試，哈哈∼∼