６月１１日，星期六

上星期响bossini買左條褲，由於太長所以放底俾佢改，明明係個職員幫我度褲長要改到36吋，點知隔日收到電話，

話條褲到左工場後師傅一度，條褲本身就長36吋　攪到我今日又要去多次試褲，原來係個職員度錯，太唔小心啦∼

行完街返到屋企冇幾耐即時落大雨，好彩咋！！！因為我冇帶遮出街，哈哈∼

６月１２日，星期日

今日照舊同姨媽飲茶，不過多左兩位貴賓，就係∼∼∼∼∼所長＆阿邊個邊個

飲完茶佢地就趕去五姨媽屋企開枱，仲要開兩枱tim，＜嘩∼真係唔簡單呀！＞（哈哈∼花家姐o既金句∼）

因為唔輪到我打麻雀，所以我同四姨媽，嫦姨媽去探婆婆，做個乖孫∼

不過五姨媽個孫就唔乖啦，竟然咬四姨媽　雖然係隻細狗仔，但就巴巴閉，寵壞晒！一於唔好要佢！！！！

６月１３日，星期一

救命呀！！我對腳超痛！！今個星期一至五去中大幫手，工作好簡單，不過難倒我o既係要著高跟鞋＞＜

今日著左６小時，對腳已經攰到死死下，腳指公仲損晒，黎緊仲有四日，點算呀？？？