７月８日，星期五

　一家四口去睇＜黑癲鵝先生＞，企鵝仔好得意呀！！

大家記住唔好信YAHOO! o既時間表，我地中計了！！又話8:10PM有場，點知9:55PM先有＝＝＂ 開場前先去個晚飯∼

　滷水牛展／雲吞雞

　三鮮炒年糕／生煎包

７月９日，星期六

夜晚同兩位YMCA舊同學食飯，兩位都係待嫁新娘，N小姐會响2012年10月註冊，不過佢唔大攪只係擺兩三圍同親戚食飯；

E小姐會响2013年3月結婚，仲邀請我同N小姐去做姊妹。佢地都已經開始籌備婚禮，但有樣好重要o既野居然仲未開始做，

就係修身啦！！讀書時o既N小姐已經係肥肥地，而家仲肥晒落手臂到，手臂真係好難減嫁，佢話如果影婚紗相前減唔切，

就叫個攝影師幫佢執瘦d，哈哈 而E小姐以前唔算好肥，但出黎做野後重左20磅，佢話會食健康餐單同跑步減肥。

你地要加油做個靚靚新娘呀 佢地叫左好多野食，但唔敢食太多，係咁叫我食晒佢，我都要做個靚靚姊妹嫁！