滿左18歲後，只係去過澳門賭場同普通馬會，都未試過入馬場睇賽馬，趁住馬季煞科日一於去馬場玩下∼

　等左十分鐘先有一班車途經馬場站！

　入到裡面啦∼

　中國馬　 　香港馬

　响馬場入面食lunch∼

　兩餸飯加一支汽水，$45，好貴呀！！！

　d名改得好正！！

　唔止個名唔同，連價錢都......

　熒幕播緊果隻就係我買o既1號

結果：一開跑1號領先，但後勁不繼，過終點時，1號同銘銘揀o既7號完全唔見蹤影＝＝"""　反而大冷門9號跑第三

　再接再厲，我買4號，銘銘買1號同2號

　結果：1號2號穩奪一二名，4號力壓3號，贏個馬鼻得第三，兩張飛都有錢收∼

　為求回本，玩多一場！我買10號，銘銘用大熱門4號拖其他

　結果：一路唔見蹤影o既10號响最後直路突然發力，從馬群中跑出，跑第二^O^

總結：响毫無準備（冇帶馬經），連馬名都唔知叫咩o既情況下，哈哈，我地每人羸左$8.5呀∼∼

　入場有紀念品派，精美原子筆一支

原來响馬場出面都睇到馬嫁！！圖為煞科日最後一場賽事，一堆馬响我後面跑過。

　好緊張，進入最後直路！！

　趙業銘！！！都叫你度位嫁啦！！攪到有條柱响我頭到＝＝＂

　一堆馬衝呀∼∼都唔知邊隻打邊隻，哈哈哈∼

晚餐去食車仔麵，四餸一麵$30，不過個職員收少左一碗錢，我地又賺左^^　今日果然有少少運仔，嘻嘻∼