唔知大家信唔信水晶嫁呢？？什麼黃水晶旺財；粉紅水晶旺人緣！真係信則有，不信則無。

我雖然唔係好識呢D野，但都信嫁！早前我覺得返工唔係咁順利，成日收唔到客，而且問親都係長線我唔識o既地方，

後來我一戴返條粉紅水晶，即刻好似轉運咁，少左好多問長線o既客，仲有客讚我tim呀！（雖然只係讚我對眼靚，哈哈∼）

之後因為條鏈就斷拎左去俾人串過，兩個星期冇得戴。今日一戴返，奇蹟又再出現啦∼∼

一對之前詢問過我日本團o既情侶，打黎分行再查詢，仲要指明搵我聽電話，結果電話報左名，嘻嘻！

另一對夫婦又返黎搵返我，爭D就報個埃及團，佢地話再攪攪個假期先再報名，希望佢地搵返我啦！

　達到QUOTA有錢分嫁！！返左兩個月工，分到$237

話說早兩個星期咁啱星期六放假，諗住請阿爺飲茶，點知佢去左旅行！諗住搵二姑媽黎我屋企打邊爐，點知佢又話唔舒服。

結果同Hilda Mama, Ponchi Papa去完飲茶就响屋企hea，hea到9點幾先去食晚飯，仲引誘埋四姨丈一齊食∼

　呵呵∼好好味o既泰國菜＠九龍城 (12-5-2012)

12號放完假，一路做到21號先再有得放，今次放假去左唱K！特別鳴謝家浩，有佢我地先可以唱耐D又多杯野飲∼

　唱K三人組，我+小K+銘銘

早兩日有三個新人返工，睇見佢地就諗起兩個月前o既自己，返工坐埋一邊背code，學電腦系統，唔識唔記得就俾人鬧，哈哈∼

為左唔好俾新人爬頭，我都要努力D先得！上星期三上左個長線團o既課程，好難呀！！真係要了解多D長線團o既行程。

下星期要去上堂同返大陸一天遊，終於可以離開分行見下同期o既同事，都唔錯丫，期待中^^