一連兩日有飯局，可以同朋友同事聚會真開心

８月２６日，星期日

慶祝阿Wing同阿Frank生日，雖然唔齊人，不過有好耐冇見o既Alice，同埋一位新成員∼∼

　Alice個BB，唔好睇佢咁老積，其實只有３個幾月人仔

　初次見我地呢班哥哥姐姐就有禮物收！受盡萬千寵愛。

對上一次見Alice佢仲陀住BB，都只係肥左少少，今次見佢就即刻瘦返晒，好似冇生過咁

　Alice忙住餵奶，冇手食蛋糕，唯有我餵佢啦，哈哈∼∼

呢幾年大家都好多轉變，由學生時代認識，成日約出黎玩，到大家都有工作，只能夠一兩個月聚一次。

聚會話題都慢慢由assignment轉到去講工作，將來，感情問題，甚至乎湊仔經，哈哈哈∼ ^^"

好期待有一次聚會可以齊晒人！！我諗年尾阿Frank結婚最大機會齊人，到時一定要影張齊齊整整o既大合照∼

８月２７日，星期一

公司流失率好高，又有同事要走了。今次仲係幾個啱傾o既同事，所以我地［革命會］攪左個聚會。

部份［革命會］成員因為出團未能參與實在可惜！大家一致都話今晚係返左呢間分行以黎最開心o既一晚

有人話第二日返工會做場大龍鳳，宣洩心中不滿。個個等睇戲，點知講就無敵，最終都冇野睇，要回水！！

點解全部人都用公司o既環保袋，幫公司宣傳有錢收？！哈哈∼傾到12:30AM都唔捨得走，呢班員工真放肆！！