今年生日好特別，有隻天兔同我慶祝，雖然掛8號風球，不過對我冇影響，因為我本身放假唔洗返工

話就話最強颱風，但風向唔啱所以冇乜風雨，夜晚照同Hilda Mama..帥軒..細細佬去食一壽司再直落食糖水。

另一餐生日飯係同嫦姨媽..溢哥去新蒲崗貝爾特酒店食自助餐，型格酒店但食物水準OK！唯一唔好係好多強國人∼

主管個BB仔終於出世，同我同一日生日　Frank同Natasha個BB女就24號出世，同我咁近一定唔會忘記啦！

祝兩位BB快高長大，快D好似小兔兔咁可愛　22個月大o既小兔有同我講生日快六冇錯！佢係講〔六〕嫁

維他响韓國買左禮物俾我，裡面仲有三張寫左字o既心心memo，好感動呀！果然禮物價值唔重要，最緊要係份心意。

網絡開始普及後已經好耐冇煲電話粥，就連祝福語都send文字就攪掂！今年有三個人打黎同我傾左幾句，明年你地仲會打黎嗎？