其實我好眼訓，不過今日係稲葉光更新連載，為左靚仔隊長就捱眼訓更新一下啦

回顧五場LIVE，稲葉光根本就係傻人一個！　MADE由佢帶領住真係冇問題嗎？！

所以呢，我要幫隊長建立返個形象，其實佢都有長處嫁。

2016年，MADE在KURIE第一次有單獨公演（2014年幫They武道伴舞，2015年同"MAD"合演），係初次擔正做主角！

上面呢套藍色衫∼∼係由稲葉光精心設計！！親自縫製！！第一套屬於MADEo既衫！！（為稲葉裁縫鼓掌👏🏻👏🏻👏🏻👏🏻）

基本上KURIE表演o既服裝，都係由事務所提供，衫／外套／褲等等一堆自己左拼右拼，唔同組合撞衫都唔出奇。

不過稲葉係服裝專門學校畢業，所以佢係組合服裝擔當，就算著事務所D衫，都會加多D特色落去∼

連載提到，今次LIVE當中有套白色披風衫，原來係稲葉光新作✨✨　隊長好勁呀！👍🏻

對於連釘粒鈕扣都唔掂o既我黎講，稲葉光係神　大小姐們網上表示，呢套衫真係好型！

　暫時只有粉絲憑記憶畫o既圖∼∼