意粉屋個芝士火鍋，又貴又唔好食！！！！一定要記低係日記，提醒自己出年唔好再中招！！！！

平安夜加今晚餐芝士火鍋，兩餐就用左一千蚊，真係想暈低，都唔知食左D咩落肚

好彩26號慶祝細佬生日，食左餐美味鐵板燒，平衡返心理！

雖然每位一千蚊有D貴，但起碼我記得食過鵝肝魚子蒸蛋∼龍蝦∼鮑魚∼帆立貝∼和牛∼

而且個炒飯整左我最鍾意o既鴨仔樣，好可愛

今日行過信和＜黑店＞，發現Dance SQUARE vol.4只賣$50！！（2014年11月27日出版）

原價880YEN + 稅，＜黑店＞新書返貨賣$100，過多幾個月減$10，所以$50真係超抵價清舊雜誌。

呢期係MADE第一次登場Dance SQUARE，所以好值得買返本珍藏！而且個個顏值爆登∼個個都超靚仔

每人都有一頁！　其餘同"MAD"一齊訪問！池田優已經退所兼結左婚，松本幸大成為左宇宙Six一員。

大家都好可愛　再來一張型仔圖！稲葉光同福士申樹真係不得了∼∼好型∼∼

健翔＋稲葉＋幸大＝可愛！可愛！可愛！

健翔眼睛在哪裡？　稲葉肚臍若隱若現！　幸大胸口太誘人！

其實仲有好多圖，而且有一張硬卡拉頁，好想將本雜誌解體然後貼出黎。不過得一本，又想成本原封不動做珍藏。