今年5月係MADE結成10周年大日子！
不過佢地係事務所唔得寵，都唔知有冇慶祝活動。
所以我搵緊D舊片段，諗住整段片幫佢地慶祝，順便回顧下呢10年！
其實好高難度，我都係半年前先認識佢地∼
首先要做資料搜集，搵返佢地以前有做過咩野表演，再搵下有冇片段。
10年前o既影片，畫質真係嚇死人。而且佢地得十幾歲，造型同而家有出入，完全係眼力考驗！
稲葉光最易認，當時已經好高大，髮型超MK，勁顯眼
秋山大河都認到，當時已經係ACE常企中間，除外套同跟唱完全冇變！
冨岡健翔比較難認，感覺當時好細粒，而且企側邊好難搵
福士申樹2008年11月先入隊，早期D片冇佢份
所以邊個整過容好快會被我發現！！！！
3月發售的Jr.月曆造型照！2018年的4人超帥
無意間搵到呢段片！原來福士剛入事務所，同小坂真郷做拍檔，仲一齊有得拎咪唱歌同讀信。
youtu.be/idZzrSX5bZs
查過下小坂背景，佢爸爸以前都係Jr.，可能因為咁有優待啦！
後來2008年冬天，小坂就退所。福士係＜Dance SQUARE＞提及想退所，估計就係呢個時候。
好彩同社長傾完，最後加入左MADE，轉眼就十年。
其實仲搵到2003年開始，MADE同宇宙Six仲係小學生o既片段，勁可愛
不過畫質真係睇壞眼，連前面個主角都睇唔清楚，更何況後排Jr.，完全靠感覺。
呢個終極project等慶祝佢地出道先整，哈哈∼
尋日稲葉去左＜舞祭組＞演唱會見學，流感好返了！最近MADE忙緊咩呢？
|
