自從世界盃開鑼後，真係好忙！

初時一日三場波，8:00PM睇到4:00AM，完全同＜宮心計2＞＜刑事偵緝檔案＞重疊晒

之後得兩個時段，但同時間踢兩場，變左要電視電腦一齊播，得一對眼真係唔夠用。

今日難得冇賽事，諗住可以打篇長少少o既日記，

點知一時興起幫小B整短片，整完已經半夜4點幾...

只好略略記錄下近期NEWS同MADE發生過乜事∼

NEWS

6月27日，小山慶一郎復工，NEWS終於重新出發。

同日，突然公佈15周年LIVE結果，希望順利開得成唔好再有閃失。

同日，新曲＜BLUE＞零宣傳下發售，首日賣出93307枚，累計至今日賣出142182枚

成績比前幾張好，粉絲要話俾事務所聽，我地係唔會放棄NEWS的

聽日NEWS會演出＜MUSIC FAIR＞，久違了出現係電視唱歌，既期待又擔心...

MADE

今日夜晚，秋山大河同福士申樹去左A.B.C-Z演唱會（神奈川）見學。

MC提到大河經常去河合郁人家留宿，然後一齊去舞台劇綵排，根本係同居吧∼

同時間，冨岡健翔同野澤祐樹去左＜THE CIRCUS!＞見學。

稲葉光再次成為失蹤人口∼

連載「MADEズれネろオ」一周年記念企画於6月27日告一段落。

難得可以睇返晒過去一年所有更新，最後我都乖乖地奉上325YEN（一個月月費）

其實計落都唔洗$30，一D都唔貴，只係要用信用卡俾錢有點兒麻煩！

後來發現大家每次都好用心更新，由第一篇∼（長度係手機螢幕截圖）

最近大家o既更新都變成∼

雖然大部份日文我睇得明白，但真係太多字，所以我再俾多325 YEN，登記中文繁體版本！

日記有提供中文繁體，簡體，英文，韓文翻譯，不過出年就全部暫停得返日文，到時點算好

初時儲存做JPG長圖，但睇起黎唔方便，又怕唔清晰，所以再全部儲存多次做PDF，花左勁多時間！

總算係限期前完工，不過仲未整理好所以未開始睇。唔好俾我發現你地不停講廢話！！