MADE對上一次出公式相已經係2017年10月，演出＜ABC座2017＞時o既舞台相。

不過得個人相冇4人合照，對上一次出合照已經係2016年o既事，可以分多D資源俾佢地嗎？！

2018年！！終於有新公式相！！仲要影得好好，4人都超可愛∼

為隆重其事，久違了開scanner掃清晰大圖∼

不過scanner舖晒塵，相片表面又容易痴污糟野，五張相玩左我幾小時......

大圖在這裡

最愛呢張，4人都好可愛　健翔好攪笑，幫福士製造酒渦？！福士摸健翔大脾？！

最新版本「ＭＡＤＥ」，稲葉身高182cm，其餘3人177cm，但睇落爭好遠咁∼

我覺得大家都刻意用手遮住雙下巴　低炒都冇問題∼

稲葉光 x 秋山大河

冨岡健翔 x 福士申樹

想像一下拍攝時o既情況......應該係咁

稲葉：我係隊長，所以由大河背住我！（超強權）

大河：冇可能∼∼會重死我啦∼∼一於改坐樓梯！（超理智）

健翔：我係MADE的末子，大家的弟弟呀！Nobu背我吧∼（超撒嬌）

福士：OK∼放馬過來！我練得一身肌肉，係時候表現下！（超自信）