尋晚仍然風平浪靜，訓醒一覺「山竹」已經打到黎，掛緊8號風球。

放假日諗住可以訓到下午，但風聲太大兼窗邊滲水，結果10點就要起身

次次都係Papa出遠門先有麻煩野，房廳露台全部入水，燈又眨眨下勁驚停電∼

呢個10號風球真係勁，感覺到間屋不停搖。幸好總算告一段落，成功保衛好家園

尋日15日宇宙Six連載輪到山本亮太更新，提到松本幸大上載照片o既相片...（原來係指8月果張相）

所以我開返幸大9月10日更新o既連載睇，竟然發現文章有修改，仲刪除左某張相片∼

全篇日記

全篇日記（修改後）

以下一整段冇左∼

後來上Twitter查一下，發現有KAT-TUN的粉絲不滿，認為幸大做多左∼

覺得此行為會助長其他粉絲模仿，導致大家都會拎一D奇怪字句o既應援扇。

幸大真係好無辜，佢對粉絲超好，會認真睇大家手上o既應援扇。

文中提到其實佢本來就有打算上載同無所Jr. o既合照，只係咁啱見到粉絲提出要求。

如果佢唔打呢段野，直接上載左張相，就天下太平乜事都冇？？

事實又唔係咁......

對於幸大上載o既第二張相，KAT-TUN o既粉絲又有微言∼

（連結在左邊！宇宙Six＊松本幸大＊20180910_pic2）

明明係中丸o既生日蛋糕，本人都冇係日記上載蛋糕相，反而係Jr.上載！

真係超無奈∼∼咁鍾意雞蛋裡挑骨頭！！希望KAT-TUN會為師弟們出句聲∼

明明就冇錯，結果要修改文章刪除相片兼道歉，想同KAT-TUN粉絲講句......

「請給Jr.們多點愛！」

今日NEWS參與左＜DREAM FESTIVAL 2018＞音樂活動，佢地係唯一J家代表呢∼

表演左好多首歌！根本同自家演唱會一樣，有小卡車同噴彩帶。

重點係⭐⭐⭐⭐⭐　12位Jr.登場超驚喜

MADE＊稲葉光　秋山大河　冨岡健翔　福士申樹

野澤祐樹　植田翔　渡辺大輝　新藤樹力　椿泰我　影山拓也　荻野未友治　西村航

估唔到會有MADE，最近應該忙於練習＜ABC座＞，而且係4人齊齊整整，健翔腰傷好返啦👏🏻👏🏻

之前15周年演唱會冇帶Jr.，今次補返數，Jr.們應該超開心∼

期待MADE連載更新會講下今次表演，希望會有相片睇！！放心上載∼

NEWS粉絲都好疼愛Jr.們啦