2016年，迷上左一隊叫Musumen.（2017年改名做Mesemoa.）o既日本組合。

初時翻跳Morning娘。o既歌，到自稱為偶像出碟開演唱會，真心覺得佢地好勁！！

當知道有成員要畢業，會係「聖地」中野SUN PLAZA開演唱會，就決定要去現場支持佢地∼

剛好當年7月去日本旅行，所以順便俾錢加入fans club為演唱會抽飛作準備。

2017年初，fans club公佈會員特典，生日會收到成員親筆簽名o既生日卡，超期待！！

隨住時間過去，佢地推出幾首歌都唔合我口味，熱情突然冷卻∼∼

更發現fans club會員期限去到2017年8月，即9月生日o既我唔會收到簽名生日卡

諗左一排決定續會一年！！

雖然唔再沉迷佢地，反正都洗左咁多錢係佢地身上，有張簽名生日卡留念都好丫∼

可惜天意弄人∼∼∼∼

借地址俾我入會o既舊同學10月搬屋，搬新屋後我已經第一時間更新地址，

但最終都冇收到生日卡，應該係寄左去舊地址，超失望

舊同學無條件借電話地址俾我入會，佢工作又忙，都唔好意思叫佢幫我追查∼

會員期限13個月，2018年9月到期，尷尬時間唔知收唔收到，不過已決定唔再續會啦......

早排再次登入fans club網頁，竟然發現會員期限去到2019年10月∼

絕對唔係信用卡自動過數！！因為每次續會都係便利店交錢，冇用過信用卡。

之前fans club轉左營運公司，要粉絲更新個人資料，可能營運公司出錯，誤送左一年會籍！

希望收到生日卡後，佢先發現出錯∼

今日，舊同學通知我，有收到簽名生日卡！！

寫全名太害羞，唯有遮遮佢！！Tomitan手字好靚，簽名亦都好可愛 

為Mesemoa.宣傳一下！5月推出o既歌＜Flower Wind＞好好聽！（記得選擇中文字幕！）

youtu.be/TN-sFN4FFms

Nokkun第二次做主唱！！第一次做主唱係呢首：youtu.be/cIxY-b05oq8

作曲作詞的halyosy超有心思，兩首歌歌詞有關連的！

前作講拍拖，後作講結婚。＜Flower Wind＞結尾仲用左前作o既旋律∼

另外，最新作品雖然唔太合我心水，不過舞蹈值得一睇，大家跳舞進步左好多！

youtu.be/pFNxQZXCHns