NEWS LIVE TOUR 2019 WORLDISTA 今日出抽票結果！！

由於要留返D錢支持MADE，所以只抽5月18日及19日埼玉三場∼

下午3點左右陸續收到e-mail，過左十幾分鐘都淨係收到一封而且係落選，

等得太心急所以直接登入官網check，出奇地冇大塞車好順暢∼

由上至下逐個申請click開......

第一個......落選💔

第二個......落選💔

第三個......落選💔

按返去首頁後，心血來潮覺得頭先click開第三個申請時，好似按錯左重覆click左第二個！

所以又再check多次！結果......

真係按錯左！原來中左5月18日一場！！！！🎉🎉

埼玉県∼∼冨岡健翔o既故鄉！

新地方未去過，終於有機會參觀新景點，好緊張好期待∼

今次個場可容納37000人，比起東京巨蛋細，所以距離冇咁遠，應該可以睇得清楚D

我會整過把珍寶size o既應援扇，希望吸引到Shige望我一眼

5月18日Arashi都有演唱會，唔知道MADE會跟邊一邊呢...

我抽Arashi時連第四希望「任何一場」都揀埋，如果撞期我就大鑊啦∼

不過呢個可能性好低，因為Arashi超難抽，應該唔會抽中！