官網公佈左今次舞台劇o既周邊，結果令人超失望！！！！！！

明明MADE係主角，但因為肖像權關係，結果周邊唔可以露面∼

官網：ikemenvampire-stage.com/

造型照片，MADE冇份　可以期待一下事務所出官方SHOP相嗎？！

徽章同角色照片雖然有MADE份，但係冇得指定要邊個角色係隨機的，所以放棄！

掛飾，好貴！！文件夾，冇乜特別∼

不過我唔會乜都唔買啦∼∼話晒MADE第一次做主角，點都要買返D記念品！

場刊，應該係唯一一樣可以露面o既！！希望有造型照同練習照∼

劇本，每句對白寫得一清二楚，就算我聽唔切都可以翻睇返∼

袋，用圖案代表十二個角色，設計幾特別！出街用都冇問題∼

暫定會買三樣，等12號初日開始有實物圖再決定！！

開演前2小時開始販賣，憑票入場後先有得買，場刊每人限買一本，劇本每場限量發售。

上網買左兩場黃牛飛，所以有三次機會，希望可以買齊想買o既周邊∼🌠🌠🌠🌠

場刊＋劇本＋打算買五本雜誌，其實我得7KG手提行李，會唔會超重？！