10月5號~

今日我用口語打,因為我E家已經攰到嘔肺-_-

今日同樣都諗住整自己既早餐

同樣都係整唔成,仲差D遲埋到囉搞笑-_-

最近發覺訓教真係好重要,

我之前訓得太少啦

以後我都會安排多D時間訓~

今日又係果條友比人玩頭

佢個頭比人玩到好正

我仲影埋相

比佢睇到佢條氣一定唔順

放學LU

今日我爆急返屋企

因為家姐帶我去海洋公園玩=]

我都係第一次去哈佬喂

同家姐,姐夫,仲有D見過既FD

講真~我覺得D野勁爆恐怖-_-

有D真係好恐怖,行近都驚

有D都幾搞笑既,講埋D野笑到你甩牙

鬼屋恐怖到唔想做人

D效果好正,希望下年再黎=P

最後入果個鬼屋因為太夜

條隊都已經攔左

一個同解剖有關既鬼屋

D工作人員比之前D人行哂

之後攔住我地5個人,

咁就緊係唔係唔比我地入啦

係玩野等我地最後入..少D人D鬼都嚇得喪D

救命阿-______-好彩果個都算短

今日影既相都係求其影

因為好多相都係家姐部相機度:P

走果時已經好似12點幾1點

之後去左旺角食壽司

不過我唔多肚餓

所以冇乜點食

但係我見找數果時個價都幾驚人-_-

係5百以上

對我講直頭係天文數字-_-

撞鬼你返到天水圍已經成4點左右啦冇陰功

之後搞埋自己D野搞到依家

我相信我打完呢篇野既幾分鍾後

已經會係張床度變半死人狀態-_-

聽日Don Fun都未必去到了

睇下聽日點先算啦

我真係攰到就快跌落地下-_-

最後我都要多謝一下我既家姐啦

佢真係好錫我=p

今日咩錢都唔洗出

仲送埋錢比我平時洗

真係唔打啦..

拜