光陰似箭.
我仲好記得開學果幾日既野.
"我仲記得同鍾文杰撞黎撞去先搵到邱子文間學校"
我好記得頭2日已經同哂全班講野.
我仲好記得果時全班都會一齊玩...
頭幾次既唱k. 所有活動我都記得好清楚.
呢一年係我返學咁耐最開心既一年. 大家好和諧.
肯讀書. 又會出黎玩. 定時又有活動.
每一日我比好多人都要早就要準備返學.
應該好多人都知我係住天水圍.
但係我完全唔覺得辛苦.
但係我覺得返學好值得. 可以見到大家.
大家可能見到我返到學校係度訓. 但係其實我都好enjoy.
我唔介意大家偷影我. 唔介意大家講我咩是非.
因為我好鍾意你地.
各位老師. 我唔知我有冇無意中得罪過你地.
不過最後我都要講聲多謝. 你地每一位都令我係ycm既生活多左色彩.
我睇得出好多老師都好錫我地. 謝謝.
到左最後幾日. 其實我真係好唔捨得.
只係我唔會表演出黎. 小彤幫我拍片果時我其實真係好想講好多野.
好想講哂我既感覺出黎.
但係講唔出.係因為果d野好難用口講出黎.
但係自己感覺自己知.
好多謝整果隻碟既人.
隻碟我一定會好好收藏!我會好好珍惜!
假如可以 .我真係好想返返上年9月再重新讀過.
我唔係後悔d咩. 我只係好想體會返呢一年開心既感覺.
大家以後走既路可能都會唔同.
不過我好希望可以得閒再約哂出黎.
好想keep住呢份友誼.
永遠也會記得08-09既FDH2
  
YCMSSS 2008-2009
FDH2 麥梓龍
|
