五月都已經過左...懶惰既我...決定打下月記...記底下我D無聊白癡事~

呢大半個月好似過得好快...又好似好慢...同老公冷戰完後....差唔多日日都見....除左我返大陸個兩日...哈...但都係忍唔住send sms...好貴架>_<...

8號~係嬤嬤生日...所以返左去...敏感藥無帶係身...好辛苦啊痕到>_<...雖然慶祝生日應該係開心事...但係佢已經唔認得我係邊個lu...我總係覺得要離開既日子應該唔遠...或者...爸爸姑姐佢地應該睇開D....返去食咁多餐...餐餐都十樣有七樣唔食得...唉...夜晚同爸爸媽咪~家姐姐夫一間房~好大既房~但係四點幾先有得訓~七點幾就要起身喇~殺左我啦~

9號~去飲茶~再去睇多次阿嬤就出發去東門...嘩...第一次去玩咋...只可以講~超多人~第一次整眼捷毛~但因為要睇sms~差D整到D藥水入晒眼(應該藥水黎掛~)~但足足訓左係度三個鍾~好辛苦啊~>_<~之後屋企人去食海鮮餐~慶祝母親節~但因為我唔食得~所以決定自己返黎先~陣間有得睇無得食好慘架嘛~但太叻既我~差小小又盪失路~好彩個司機最終車我去到過關個層~返到黎~哈~去搵老公~食點心皇~食完已經成點~本來話搵地方坐下傾計~但因為太眼訓喇我~又要準備聽日既廣州之旅~所以各位返歸~

10號~廣州~我們來了~兩點先出發~去到深圳搭火車去廣州~真係好快呢~一個鍾都有找三分鍾~去到火車站~搵埋酒店~出得發去動物園已經係四點喇~Oh~但一D都影響唔到我同老公既心情~哈~唔知點解馬嬲猩猩個度會有咁多老鼠~救命啊~仲見到斑馬~長頸鹿~大象~獅子~好似死左既袋鼠~仲有好多動物啊~最得意係BB鹿~好可愛架~但睇左個好想死既馬戲團~下次有機會~我一定唔會再比錢去睇架>_<~行到去遊樂場個邊已經無得玩喇~玩到咁上下~都餓喇~去左個叫美食街到食野~行第一次~本來話食韓燒~但要唔知等幾耐~走左~再去左一個土耳其餐廳到食~初初我地唔係因為佢既野食吸引架~因為見到個好靚既外國女~妖得黎真係靚~只可以話佢正~後尾D野食~最好味個Pizza~成餐都幾好丫~差小小見識到咩叫水煙~但我地走個陣佢地都未食~所以~算啦~夜媽媽當然去行下夜市啦~步行街~都係好多人~好叻咁無亂買野~行到九點幾十點~唔知點解明明仲好早~但有小小累~所以十點左右就準備返酒店~點知係上的士個一刻~不幸既我~上車個陣唔小心撞到個頭~嘩~痛到我流眼淚架~(返左黎成個星期先消腫啊~可以想象到幾痛)~上左車都無人知咩事~要我講出黎T^T~

11號~批發場~由起身個刻行到四五點~見到好多好得意同香港成日見到既野~原來個成本價係差咁多~呆左~但我都有禮物收~姆明公仔~哈哈~一隻大~一對細~多謝老公>3<~但一直買唔到鋪頭想買既野~正當我地諗住放棄個陣~比老公係最後一個批發場入面搵到佢地喇~終於"不往此行"~之後就搭返火車返黎喇~辛苦晒丘生照顧左我兩日~幾日無教好訓~訓左教好既~

過幾日再打埋個半個月~原來一次打一篇都幾煩~唔可以咁懶先得~