To My Baby Yau wai yin:
唔知呢一刻既你去左邊度呢? 唔知你仲會唔會知道同睇到我寫比你既信呢?bebe~雖然你未黎到呢個世界, 未比我同你baba抱過, 但係, 不知不覺間我同你ba都好期待一月黎到, 但今日就知道原來你已經走左, 係未媽媽做錯左野, 令你走左啊? 我已經好乖唔再敢亂食野, 有飲奶, 我知未必足夠, 但係, 我已經好努力, 阿be, 你去邊啊? 點解你要唔要我地啊? 你知嘛, 你已經有好多鞋仔, 仲有好多表哥表姐既得意衫都未著架, 你就咁走左咁曳, 我打死你!
幾日前我仲好肯定咁摸到你係個肚到郁, 我好掛住好掛住你係入面個種感覺, 無左你, 已經乜都唔係, 乜都無,baba話係你知道我地未有錢養你, 所以你走左, 係未真架? 你仲會唔會記得我呢個媽媽啊? 仲會唔會記得係肚入面既時候啊? 呢一刻既你, 安全嘛? 舒服嘛? 開心嘛? 但願你一切一切都好, 或者我未有呢個福份做你媽媽, 但最緊要你, 喊埋今晚, 媽媽就唔會再喊, 因為無人會喜歡見到親人為自己喊,bebe, 你幾耐再黎啊?
估唔到嬤嬤一知道有你, 就要接受埋無左你, 你依家見唔見到佢地啊? 你幫我安慰下佢地啊, 特別你baba, 叫佢唔好再喊喇~!
你記住你個名…..YAU WAI YIN…..
係你baba諗定比你架, 咩都唔記得唔知都可以, 係呢個唔可以唔記得,bebe, 拜拜喇~!~
By
MaMa
2009年7月28日
|
