第一日

九點被迫起身，之後刷牙換杉搭地鐵去上環，去到大約十點十五分，檢查身分證果D後，搭十點半個班船，坐左一個鐘到達澳門，再檢查身分證，搭專車去威尼斯人酒店，個酒店服務員又話要三點先訂得房= =（果陣係十一點四十分），咁我地就搭的士去官也街食水蟹粥（ｄ野唔好食），之後就行去搭巴士去大三巴（果個司機狂兜圈，架巴士又迫，冷氣又唔涼= =凸），到左大三巴行黎行去睇下有咩買，再行去大三巴牌坊影相，影完相就想去食魚翅，但係又唔識路，問人又話要行勁遠，之後唔搵搭的士番酒店，我地有六個人，所以要分開兩部，得番我同老豆搵唔到的士（ｄ澳門的士佬正仆街黎，有客佢又唔載  屌！），咁我同老豆兩父子就唔搵的士，走去搵好出名個間「添發」食魚翅，行左一陣就搵到=v=，買左四個外賣後，再搵的士（今次搵到），番到酒店訂房（一間房要$3000幾），但係佢又話冇曬我地之前訂果D房，老豆話到果個女酒店服務員喊，但係都冇辦法，所以同老豆老母分開到勁遠，我同呀妹果D喺南翼，老豆老母喺北翼（要穿過賭場），之後我老豆話佢間房好大煙味，所以要求換房，最後換左去同我地同一層既房，我既打機癮發作（好彩有戴LOOK BOOK =v=），但係要比$160幾上網費=0=，好彩老豆都肯比，玩到大約六點又要出去，今次係去食葡國菜間野叫fernando（佢地D菜好得意咩都係要加檻欖油），食完之後去左睇分兩場一場二十分鐘既煙花比賽展（超正！！勁浪漫！！你話如果同條女一齊睇幾好XD），睇完第一場，之後就行下商場行完一陣，又再去睇第二場（兩場唔同），睇曬就搵的士（搵極都冇的士呀！！ｄ的士都死曬去酒店果到）咁我就同老豆重有我老豆個朋友搵的士送曬D「老弱殘兵」走先，由何鴻燊大馬路行到去新葡京= =（你睇下澳門地圖就知幾遠），我老豆個朋友上左第一架去載D「老弱殘兵」先，我老豆同我就搭第二架的士（頂！條的士佬玩野狂講我唔識路我一定要兜圈  屌佢呀！！)，番到酒店就玩電腦，玩到差唔多四點就訓左了．．．