今日我不知訓得幾舒服,但係老豆又唔知發咩癲想飲茶,跟住炒醒我同呀妹,on my 吉我既美夢就咁比我老豆破壞左,我堅持唔起身,之後佢就用D唔人度既方法黎炒醒我,佢用三罐勁冷既可樂放落我隻腳到,凍醒我,但我竟然堅持下去,不過我老豆終於洗出必殺技,佢揸住成炸冰,拎開我張被,張成炸冰放落我個身到......呀!我投降啦!!

之後我就同老豆去左飲茶,跟住我呀妹就話要去冒險樂園,由於我呀妹既破壞力同獅吼功都喺我同老豆之上,所以就去左冒險樂園玩!

 今日換左眼鏡,副眼鏡勁型,不過呀媽唔比我戴番學,話副眼鏡太粗= =

之後我去左剪頭髮,不過剪完冇咩分別,只不過短左少少= =

今日勁搞笑,大賢喺到玩膠紙,跟住比左個寫左豬排同傻婆XD既膠紙我,之後我就貼落ya姨個背隻到,最搞笑就係佢唔知我同大賢笑咩,個張曼琪見到我地玩得咁開心又唔抵係到告我喎,黑人憎到死!

上名讀個陣見到我地既班花─如花,喺到學人斜梳,勁恐怖,個如花秀頭嫁喎,超恐怖,但係又超搞笑,笑死我啦!!

放學嗰陣,Miss黃叫我拖住波斯王子去見佢,跟住我真係同波斯手拖手去見Miss黃,搞到Miss黃勁無奈XD

今日吳宏攞左一條底底出黎玩,勁好笑!