繼之前余sir(丁sir)講幫同學改姓、說苦海論之後，

今日又有驚世無聊言論發表！

他今日派給我們一張中英對照的地理詞彙

但有很多英文字我們都未學過，

於是他扮無奈地說：

「唉，讀一次俾你地聽啦！你知你地好鐘意殺賴架啦！」

就在我們以為他讀英文時，他竟然講廢話：「氣候、天氣…」

全班即時起哄，說他玩野

我當時懷疑他已忘了怎樣讀，所以才這樣說

很之後，他又有讀出所有英文

但讀的開頭幾個，都是故意拉長，並故意用港式口音讀出的

即是一個正常人讀英文是讀Weather

而他是讀Wea---ther

insolation ，他讀in-so-la-tion

他把這種讀法歸咎於林J達(林J達，我知你有看的，所以我專登提及你，哈哈~)

不過詳情，我就忘記了

讀完後，他見到幾個同學伏在桌面，呈昏睡狀態

說：「以及你地唔好講英文呀！一講英文你地就訓著架啦！」

更說出一大堆英文變中文的例子出來：

「今日你幾點上線？」(今日你幾點on line？)

「Nike你都唔好著，以後著『麗其』！」

我左邊的關X強問：「咁Adidas呢？」

余sir：「問得好！咪阿迪麗士囉！」

語音剛落，全班又落力地拍掌，更有人吹口哨！

過了幾十幾分鐘，余sir見到丁丁放了一塊鏡子在腳上，垂頭對鏡撥頭髮

他立即話：「你自戀架！」

我在心中說：「佢唔係自戀，係自大！一個男人要用鏡撥陰撥咁奈，除左同性戀之外，我真係第一次見！」

全班的專注點隨即移向丁丁

余sir見到牠望著自己下體，奸笑地問：「你係Bill Gate呀？」(Bill Gate 是微軟創辦人)

我不大明白其意思，於是問其他同學，估計是聲音過大，被他聽到

他說：「邊個係Bill gate？我之前聽到兩個女仔講既爛gag！」

女仔A問女仔B：「如果有得揀，Bill Gate同李渣繩，你會同邊個結婚？」

女仔B答：「Bill Gate啦！佢有錢d！」

女仔A：「係我就揀李渣繩！」

女仔B：「點解？」

此時，余sir的表情突然變得十分下流

余sir說：「Bill Gate係『微軟』架。」

「而李渣繩係『長實』呀！」

全班大笑

我們這班的思想都是純潔的，可以即刻會到其意

他仍然很下流地說：「改中文名就改得好d啦！Micro(小)就已經夠哂衰！仲要soft!」

全班繼續大笑

他繼續非常下流地說：「你地d女仔，揀男朋友要小心d，唔好揀個叫Joseph既！」

有人問：「點解？」

他答：「Joseph，早泄！」

全班又再大笑

余sir再話：

「你地班d男仔，唔好試圖或企圖係我面前講咸野！因為我一定會咸過你地。我d口水係咸架，蒸發左之後又堆鹽係度！」

我想，如果疆詩韻與他鬥講咸野，

不知誰勝誰負，還是不相伯仲呢？