夜間新閒報告：

今日係考地理以及中文作文既日子

之前以為地理好深

原來好淺

之前以為作文容易

但其實唔淺

好彩我識作文

用左45分鐘泥作左篇七百幾字既文

其實只需要作五百字

係Lucy自己低能，作到咁鬼長

不過無計，我唔識作短文

作親文最少都有六百字…

如果係要打一篇七百字既日記

一定唔洗咁奈

因為我打九方快

而且網上可以講咩就講咩

無咁多限制嘛

放左學

俄羅斯、美國、加拿大陪我去買碟

買大埔勃起

呃…唔係

係大國崛起先岩

我係個極端熱愛西史既人

當我話去買呢隻碟果陣

佢地三個都呆左

咁又係既

今時今日有幾多青少年會鐘意睇歷史？

不過事實上係好值得睇

除左歷史

仲有社會學、經濟學、政治、歷史分析

你話我係唔係有病？

14歲就鐘意睇呢d野

有時我好懷疑

究竟我係唔係只得14歲？

除此之外

仲有好多娜姐既人生觀念

我好欣賞佢果個敢發敢言既個性

最深刻既就係佢同葡牙人講

「當太陽落山果陣，夜幕降臨

四週漆黑一片

你地抬頭望到既係漆黑既天空

但我望既係係天空上閃燿既星星喎！」

呢個在只在乎樂觀同悲觀既決擇

如果係我既話

我一定係星星同黑夜天空都睇到既人

所以，我先會話自己人格分裂

我認為學野唔一定要拎住本書死讀

由老人家身上吸收

唔係更加快捷方便咩？