我覺得我鐘意呢個興趣並唔係完全因為我講野直接

一部份原因係因為無聊學校既無聊老師感染到

事件證明1：

記得升F.1個暑期

我阿媽幫我去學校買書

唔記得左咩原因，我阿媽買唔到

咁我阿媽就係度煩個五邑司徒浩大王子

然後大王子受唔住我阿媽既煩人功力

同d書簿商講番

然後d書簿商就話要等到有先得

我阿媽就同大王子講佢住隔離，不如有書先call我啦

呢個只係個開始…

主要戲份係中一迎新日果陣

大王子走到我阿媽隔離，望住佢同其他家長講：

「有住係XX苑d家長就好關心個子女既！為左買到書，就不斷煩人！」

連家長都串，真係俾佢吹漲！

事件證明2：

今年五邑司徒浩承相教我地中文

佢亦係一個鐘意串人之人

記得有一日，低能仔謝承X係張工作紙度寫錯自己個名

然後承相就無叫佢寫番好

佢同全班講：

「介紹個日本人俾你地識！」

佢寫左個言身承X出泥

寫錯名姐~唔洗咁串人呀？

事件證明3:

承相叫李明X答問題

但係佢就唔識答

承相慢慢行過去李明X個位

扲左佢本書泥睇

見到係上一個單元既書

就串佢：

「明明係讀緊單元4既野，點解你可以望住本單元3都讀到？你真係西利！一陣小息跟我泥研究下點解你會讀到！」

其實佢可以直接講「點解你帶錯書唔同我講？」

洗唔洗咁串人？

可以串到人地無尊嚴

係大王子同承相先可以

經常接觸到佢兩個既Lucy

又點可能唔會俾佢地感染？

所以我先會咁串！

各位俾我串既人！唔好見怪呀！