今早我地要返e.u係教d新生急救~
只係早上咋~因為下午佢地考試啦~
係急救我試~另外就係同尚sir早d
慶祝生日啦~佢正日係23嫁~
但係要返學校,而且個個地好忙~
所以我地就諗住提早係今日慶祝~
今日我返9:00我同光光8:00先起身~
之後我地8:30先出門口~我地就去攞蛋糕我地
昨日運動會完左之後我地就去左訂蛋糕~
就係今日拎嫁~因為我冇食早餐所以買左三文治食~
仲有乳酪飲呀~幾好飲呀~但阿光光話酸~
之後我地就搭地鐵~去到觀塘以經9:00~
死啦~又落緊雨~我地仲拎住個蛋糕~
光光幫手拎"庶"突然我電話響呀~
邊個玩野~我一聽原來係寶寶~
佢問我地係邊我地個時過緊馬路~
佢話佢等緊車~叫我地去搵佢同佢一齊排~
之後我地就同佢一齊返學啦~
返到去9:25啦~個時我地諗緊點引開尚SIR好~~
因為佢唔知我地幫佢慶祝嫁~
哈哈~寶寶話好啦~等我來啦~
之後你地就入去放個蛋糕入雪櫃~
之後我地就好成功啦~我地就行返出去幫尚SIR手
教D新仔啦~差唔多完個時~我同光光都好想食D野~
之後我地就偷偷地走左去小食部都買野食~
我地就食炸薯條~好好食呀~唔知點解比平時多好多呀~
個個人話係呀~因為平時好多人買今日唔係好多~
所以炸多左~唔好話平時個D小呀~
之後我同光光係度奸笑~
食食下聽到有人叫我地~我地一轉頭見到寶寶同阿如~
佢地剛剛返來~佢地頭先幫d新仔拎急救証書~
佢地今日考個個係我地e.u自己同佢考嫁~
之後佢地就走過來啦~我地本身怕佢話我地仲食野嫁~
但佢地冇話~佢地仲同我地一齊食添~
佢話點解咁多嫁~之後我地就同返佢講啦~
我地食完個時就買多支野飲~因為等陣開party冇野飲嫁~
我地講好左話自己帶嫁~之後就去開party啦~
好多人都有整野食呀~有安安啦~阿如啦~王文琪啦~
羅沅琪啦~安安佢整薯條呀~係同平時個d唔同嫁~佢用
薯仔炸嫁~好好食呀~好多謝佢呀~佢整到隻腳都整野比我地食~
阿如整左雞翼同牛丸呀~`好食呀~王文琪佢整左芝士蛋糕~
都ok呀~不過我覺得個餅底好食d~羅沅琪佢就整波羅腸子呀~
全部都好好食呀~多謝你地呀~食緊野個時有個笑話~
其實都唔算係笑話嫁~係應該話個個人傻啫~
佢好坦白咁講話芝士蛋糕唔好食~佢覺得咋~
我地個個地覺得好食嫁~阿寶笑住咁講話比你講多次呀~
佢真係講多次呀~阿sir話算啦唔好講啦~
佢話唔好佢叫我講我一定要講嫁~全場人都比佢地笑死啦~
之後阿sir諗住比d佢食嫁~阿王文琪就話唔好啦~
阿sir諗住幫佢啦~話你頭先講個d係唔係真話來嫁~
佢話係呀~個個都笑到肚都痛呀~之後我地講話~
你咁講野呀~等陣你考試係佢考你你就死啦~
全場係咁笑笑~完左之後我地就拾野啦~
阿sir話叫我地搵d人開左d營佢吹下~
因為昨日落雨濕曬~所以我地就去幫手整啦~
我地見到d營好多泥~所以開水洗下佢~
佢佢都玩得好開心~整好曬之後我地有人問幾點~
有人答話仲有五分鐘到就2:00啦~
我地就諗住整好就上去啦~我地見到寶寶隻手係咁做手勢~
我地個個以為係倒數所以個個都跑曬上去~
我地上到去~我就未入去~佢就同我講~佢話我都唔係倒數呀~
我係同尚sir講話有十五份~之後佢就笑啦~
我就係咁笑啦~之後佢地就考包紮先~
考個d係110~未考個d就跟我同光光去109度溫住書先~
佢地有唔明可以問我地~有d考完返來就再溫書~
因為之後就考筆試~我同光光就係咁抽d人來問~
問佢地書~睇下佢地識唔識~考試完左之後我地就睇下有幾好人
唔合格啦~包紮有8個唔合格呀~我地有20人呀~
筆試得一個唔合格~之後我地就走啦~
我返到屋企差唔多六點啦~
今日姑媽冇過來~我同祖母諗住落街食飯~
之後就去左啦~我去到有d嬲嬲地呀~
個d人d態度勁差囉~冇野呀~我地來食野~仲要睇你面色~
之後我係咁串佢囉~都唔知有冇搞錯嫁~食完就走啦~
我就去比錢啦~我見佢計得咁慢就講比佢聽90蚊呀~
真係嬲嬲地呀~我出左門口同我祖母講d人真係pk呀~
之後我地就去左百街買野~買左兩排野飲~之後祖母話想拜神個d野~
你摺金個d紙~我話買啦~我拎到嫁~
我怕佢自己佢買呀~佢唔可以拎重野嫁~最後佢買左~
我幫佢拎啦~返到去~坐坐下~唔知有咩做啦~
玩電腦,玩玩下~我有個fd問我有冇睇我miss係大佬~
我話死啦~唔記得左睇呀~我好鍾意睇嫁~
於是我就按個電視啦~差唔多做完啦~>.<
但其實我之前睇過嫁啦~但係真係好好睇嫁~
之後玩左陣電腦就訓左啦~因為最近好鬼忙~
^.^

今日遲左出門口呀~之後就同光光一齊返學啦~
見到佢之後佢問我你有冇帶證~
我一諗死啦~我冇呀~於是我就跑返上屋企~
好快來回用左10分鐘~算快啦~仲要搭升機呢~
跑到好累~之後我地要行快d啦~
因為唔係就遲啦~去到彩色7:30啦~
死啦~於是我地就一直跑上去啦~
跑跑下~我地停左~因為我地見到隻狗怕佢
追住我地就死啦~於是我地係個時慢慢行~
行到見唔到佢我地就跑啦~
跑到上去好彩遲左五分鐘咋~
於是就開始幫手啦~阿sir叫我同光光大自己個隊去自己
個個站到~於是我就同佢地傾d細節~
之後就for in啦~我就企係佢地前面~
因為我係最大~而且等陣番國歌~
我要敬禮~完左之後就開始分配位置啦~
當我同一個隊員講D野的時候~
聽到佢叫女子800米乙組最後召集~
我聽到之後O曬咀唔係咁玩野呀~
800米係第一個項目~於是我搞好我D組員之後
我就去換衫啦~因為我著住制服~
換就行去報到啦~有D人話係右~咁我地行右啦~
之後又有人話係左我地又行左啦~
點知!!行到去左個時佢地又話係右~
真想係~玩野~~到我地個時我地個組唔係好多人~
得五個人~我心諗死啦~輸左好樣衰嫁~
初時我一起步係係第四~但我一路keep住自己的步伐~
最後追追下就第二啦~我最尾個100米要跑快d啦~
但我feel到隻腳開始冇咩力啦~
但我突然諗係我聽過人講如果隻手活動得快d就會令你腳到快d~
但個時我好想笑~我好似feel到隻手活動緊~但隻腳好似冇活動咁~
最後到終點啦~第二名~個時好暈啦~
我又覺得隻腳好痺啦~唔想行啦~個時光光佢當緊值~
佢見到我咁就扶我啦~佢係咁叫我行~但係好辛苦~
因為直係好痺呀~行左一陣光光終於比我坐啦~
坐坐下~一合眼就好暈啦~~
之後我就唔合咁耐啦~因為我係ic~我仲要睇住d細嫁~
坐左陣就好返好多啦~好開心呀~我之後拿過一個金~
同幾個銅~(小學個時~)今次拿銀呀~因為上兩年跑唔係一開始呀~
係差唔多完個時先跑呀~而且當值成日要跑~搞到冇曬力~
今次係第一個唔同~拿第二真係第一次~真係好開心呀~
由於我係ic所以我今年唔係報左好多項~
辛苦都直得~之後換番衫啦~之後就當值啦~
差唔多完個時我地唔知佢地完未啦~我地以為完左啦~
諗住走個時~點知!!唔係喎~我地足足行左幾次~
幾次係以為係~但最後真係啦~之後食飯啦~
我就去左洗手間啦~我行返出來見到e.u d人搬住個人去急救站~
唉~去食飯之前都仲有一個人~好彩好快冇事~
食完飯右係時候當值啦~之後都冇咩啦~
但係差唔多完曬個時d雨落得好大呀~
但最後都好順利完左~之後幫手拾野啦~
拾完都五點幾啦~之後走啦~
好累呀~我同光光佢地一齊搭地鐵~
之後我搭車返去先~佢地話行下~
我真係好累啦~之後食飯啦~食完之後我姑媽話落街買野~
之後我地去左百街啦~買左包八公斤的米呀~同紙巾~
佢叫我拿包米~仲要食住雪糕呀~
死未~初時可能單手令嫁~拿左唔夠兩分鐘就累啦~
我姑媽仲要係咁講笑~笑到咩都拿唔到~
之後我話你唔好引我笑啦~唔係好耐都未行到返去呀~
返到佢佢就走啦~之後我就打日記啦~
唔講啦~我明天要返e.u呀!~幫佢地test呀~
最近真係忙呀~九點返到去呀~好累呀~
>.<