今日第一堂係英文~
又係默書~不過唔緊要~
我有溫呀~今日心情一般啦~
今日LUNCH個時~
豬豬叫我報單人的歌唱比賽~
我唔係唔想報~係我諗唔到用咩歌~
之後豬豬話不如傷逝呀~
我諗過都好呀~所以今日報左~
因為今日係最後一日報名嫁啦~
過左就冇嫁啦~豬豬唔想我放棄~
最後都報左~今日上中史堂個時MISS話係班房
度睇投影機~MISS好搞笑咁講話~
我幫你地做剪綵下~因為今日係第一次用~
之前冇嫁~但點知!!唔得呀~要唔到呀~
一來係第一次用要叫人上來幫我地~
整好之後MISS個電腦HAND左~
死未~佢話如果係咁我地要補課啦~
想死~佢次次都留我地留到四點幾差唔多五點嫁~
唉~不過算啦~都唔係第一次嫁啦~
上完之後就到左班會堂啦~
佢收班會費咁個時好多人都傾計~
點知~阿SIR冇啦啦打我個頭喎~
我話好多人都有傾啦~佢又冇野講喎~
放學我就去左我阿嬸度學琴~
幾好玩嫁~我諗住遲D買個琴~
咩琴就未知~但好開心呀~
因為小提琴. 鋼琴,結他,打鼓這些都係我最想學嫁野呀~
現在有兩樣都學緊,我諗其他個D都好快學嫁啦~
音樂真係好好玩嫁~可以發出唔開心的野~
令心情好返好多呀~唔玩都可以聽下嫁~
都唔錯嫁~唔打住啦~我明天要當值呀~
好早呀~
>.<

今日又係38分返到呀~
好采啫~但係最搞笑的係~
我地昨日遲出門口今日早左出門口~
點知!!竟然差唔多~但係因為我地搵到五個人一齊搭的咋~
唔係又遲嫁啦~=.=今日上第一堂係普通話呀~
想死呀~又係普通話堂呀~~好煩個個miss呀~
我地個個覺得佢鬼煩嫁~左住我地做功課~
咁講好似好衰喎!哈哈~好快又上完佢個堂啦~
太好啦~之後上maths冇啦啦話小測呀~
想死呀~都唔係好識~但最後都ok嫁~
之後又係上兩堂人文呀~
悶到死呀~但我又訓唔到喎~可能我昨日訓得太多啦~
我昨晚訓左9個鐘呀~唔唔~今日早上五點幾起左一次身呀~
但我之後都再訓過~哈哈~之後我地係咁講笑話~
之後上英文堂啦~又係默書啦~
但係我都識~不過d英文d字好長呀~我係長個d記得短個d唔記得~
真係好好笑嫁~最後個堂係理科呀~我都分左組做專題研習~
我好記得有一組個組叫好好笑嫁~
叫做what the呀~個個都知點解~但係阿sir就唔知~
勁好笑呀~有一組又靚女組~勁搞笑呀~
放學個時~我同豬豬係課室練歌歌~
christy就聽我地唱~因為我地參加左歌唱比賽~雙人~
唱左一陣就做maths啦~因為明天test呀~但d係就好鬼嘈呀~
之後我地做多陣同唱多個次就走啦~之後我就同佢地一齊走啦~行行下~
豬豬佢要行另外一面呀~之後佢就走左啦~我同christy就一起走啦~
我地今日唔係好正常呀~我地今日心情唔係幾好呀~
同佢講bye bye之後我就去左匯景買野啦~
我仲行左陣添~好耐未試過自己一個行啦~都幾好呀~
買完野~之後就返去啦~今日我有幫手整晚飯呀~
好開心呀~我好小整嫁~因為我平時好多野參加同有好多野做~
今日比較得閒呀~ 唔講啦~我係時候拉小提琴啦~
同溫書呀~
^.^