今年的七一，

真係與眾不同，

不同的係今年好無聊。

本身諗住今日係公眾假期，

啊爸可以放假，

可以趁機享受天倫之樂。

點知，

我一早起身，

先知道原來佢去左番工。

好采，

啊媽話佢只係番早上，

下午我地去左飲茶。

唉，

佢飲完又要去番工，

仲要開夜。

最近佢日日都要開夜，

已經差唔多一個月冇同佢一齊食晚飯啦。

不過，

我都明白佢ge，

依家屋企冇咩錢，

佢要開夜揾多啲錢，

比我地幾隻化骨龍。

只係希望佢身體可以支持得住啦，

請好心的人幫佢代禱。

講番今年的七一，

飲完茶之後，

同左小學同學去打波。

冇見小學同學咁耐，

真係有啲high high 地。

不過，

我覺得冇得同家人一齊過，

真係有啲可惜。

最近好多野煩。

我今日係度諗緊一件事，

覺得自己好失敗，

處理得好差。

或者我應該聽你講。

唉!真係好多野煩啊。

不過，

我唔會咁容易就唔開心，

我一定要做一個開心的人!!!!!

^_^