8月7日
一早，
就同左啊媽同埋細佬去睇戲，(啊哥自己睇左，啊爸要番工)
我地睇大內密探零零狗。
我係9點幾就自己落去買票先，
我地睇10點幾果場。
買完票，
去左m記食早餐，
順便等我啊媽落來。
食完，
見到我表嫂，
開心啊。
10點幾，入場啦。
出戲都幾好笑，
唔錯。
下午，
為左教會的籃球比賽最後衝刺，
繼續練習。
8月8日
朝早，
訓到勁遲先起身，
差唔多11點幾先起身。
點知我一起身，
陳kai打俾我，
叫我去練波，
話李林光同jonathen、啊東都係度。
p.s.我昨晚問過李林光同jonathen，佢地兩個都話今朝唔練，話驚
累，點知依家佢地又係度練。
於是，
我就好快咁整野食，
然後，
就好快咁去揾佢地。
去到揾佢地，
已經係1點左右。
李林光同jonathen都走左。
咁都冇辦法，
照練。
下午，
番團契，
主題係(基督徒與環保)，
都ok啦，
但有d地方唔係好明。
5點，
教會的籃球比賽。
今場，
我地打得麻麻地，
加上jonathen隻腳扭親，要休息，打唔到。
陳kai隻腳之前扭親，
我隻腳又跌親，連行都會痛。
我地上半場就已經俾人贏14分，
人地再贏二分我地就輸。
但我地下半場急起直追，
只係俾人地贏多一分。
最後以33比48輸左依一場。
但我地兩隊的總分打和。
9月要再打多場。
夜晚，
隻腳痛到fly起，
連坐到痛。
8月9日
下午，
去左探我姑媽，
佢的臉色好難睇，
希望佢冇事啦。
5點幾，
我同我啊媽、細佬就去左荃灣行。
夜晚，
去左食kfc，
幾好味，
但唔係好飽。
8月10日
一早起身，
係度打機。
下午，
去左屯門睇多啦A夢之綠之巨人。
我覺得普普通通，
冇之前果幾隻咁好睇。
睇到最尾，
我訓着左。
p.s.我睇依出戲係唔駛錢架，
社區中心請ge，
仲包一餐添，
超抵。
5點20分完場，
番荃灣食吉野家。
夜晚，
係屋企百無了頼咁過左lu。
|
